25.06.2010

Hallo mini liebe also ich weiss gar noeme wenni slescht mol rechtig gschrebe han...doch mer send in mission beach acho ond haend es u schoens hostel usgsuecht....mega liebi luet ond en super hostel alag. Denne esches los gange met eusne langersehnte aktivitaete. am nechste morge frueh semmer abgholt worde ond ane ort gfahre zom en wetsuit oberteil hole ond passendi schue zom white water rafte. Nachdem alli passen agleit gsi send esches met em bus 40 min ggange ond mer send am tully floss acho...haend es mega bootteam gha 3 lostigi maedels ond 3 schwuli...hihihi das chan jo nor guet cho...sbeste esch au das euse leiter vom boat so voll de murer ma esch aso er esch u lostig gsi aber so rechtige murermaessig am domm schnore=) ond shet eus fasch verresse do er das nie daenkt haetti das do schwuli ofem boot send...=)ond het ei fraue wetz nachem andere verzellt ond mer haend eifach alli so muesse lache dos eifach so en lostigi situation gsi esch. ofjedefall haemmer woerkli en hammer tag zaeme erlaebt ond mer waerde di einte luet de weder in sydney traeffe. srafte esch hammer geil gsi ond rechtig herti arbet aber super toll ond rechtig action esch abgange e eusem boat...nach es paar stond haemmer neume im wald en lunch break gmacht. mega coool alles schoen parat grillets ond salot ond tee. super...aber sesch en u chalte tag gsi ond wemmer osem wasser chonnt gspuert mer de koerper gar noeme...=) aber sesch glich u geil gsi. nach dere staerkig esches wiiter gange ond denne passierts ....me hets voll osem boat ghaue min chopf het ergendwie voll usgschalte ond ich ben iklemmt gsi zwoeschem chliine felse ond boat....han voll kei gfuehl me gha ond ned gwoesst was passiert esch...ploetzli het mi de leiter ofs boat ufezoge ond de het mis bei weh to...wow wahnsenn ond ich ben aber voll wo andersch gsi emim chopf....nach es paar minute beni de weder zomer cho ond mis bei het verdammtischrammene gha ond sesch in alli moeglech farbe verfaerbt ond het sesch afo ufschwelle...jo aso ned sehr ideal zom wiiter rafte...haend de chli gwartet ond ich hand de eifach muesse wiiter mache...and sesch scho ggange aber die schmerze...wahnsenn....najasesch glich en mega hammer tag gsi ond mis bei esch emmer no blau nach me as en woche..=) defoer haend eusi groppe alli foeteli kauft ond die send mega ond scho emene paeckli ofem waeg nach seenge...=) oeppe i 3moenet=) jo denne beni frueh go schlofe zom mis bei lagere ond am nechste morge frueh esches weder los gange zom skydive...ohhh man beni nervoes gsi ond han ned mol gwoesst oeb ichs chan mache waegem bei...doch ich han de alli mini chraft zaeme gno ond mer send z8te hoech gsi haend soner gwaendli becho en chlini aleitig was mer muess beachte ond denne esch euse partner vorgstellt worde...mine esch de igor gsi ond de kamera ma hani de name vergaesse. sooo ab in flueger ond alli no voellig relaxt ond gnuesed ussecht...ploetzli saege alli wow jetzt semmer de aber scho raecht hoech ned??? ond sesch ersch dhelfti gsi...nachdem send alli sehr naervoes worde aber jede het es smili gsecht gha ....die ussecht of all si chliine insle ond dfestland...mega...ploetzli toere uf ond ich nor no neineinei ond gseh wie die vor mer eifach nor wegfletzte...ahh my good de machts 1,2,3 ond dosse semmer...dini gedanke schalte uss ond sesch eifach nome hammer geil i ben am schreie gsi wie super sesch ond han nor glachet...sooo es geils gfuehl doch dohre duend grausam weh amer mer vergesst da voll ond schnufe esch au ned ganz eifach aber sesch hammmergeil....de kameraman het de foeteli gmacht ond esch om eus omekrisset het grimasse gresse...ond sesch u cool gsi nach 60 sec.het sech de de scherm goeffnet ond shet ruck gmacht ond mer send wonderbar an strand gseglet....sooo geil...am bode acho hani dechli mueh gha met omelaufe dos eim chli droemmlig esch...ond mer fuehlt sech wie betronke ond voll gloecklech...aso es hammer erlaebnis...jo de zrogg im hostel haemmer das allne verzellt ond haend denne am obe en mega party gha...en tag spoeter semmer nach cairns ond haend do es super hostel mega goenstig ond gratis aesse....doch leider hanii bedbugs gha ond i han min ganz koerper voller stech vo dene han alli mini chleider 2mol muess waesche ond rocksack bostze u huere muesam i saege euch...hoet beni emene neue zemmer ond i hoffe es got guet...sosch esches u schoen ond mega cooli luet waerde nomol en woche do bliibe ond de got nach darwin...werde de aber nomol schriibe...also mini liebe...han euch alli lieb ond vermesse euch...riiise schmatz

14.06.2010

Hallo mini liebe luet...ohhh es raegnet wie die sau do in 1770...naja en oeppe 8 stond werde mer hjo de em bus setzte nach mission beach wos hoffentli weder schoens waetter werd si. Am erste tag do i dem wonderschoene agnes water 1770 semmer en harley tour go mache...wow esch das geil gsi. also mer send 30 luet gsi , alli haend en laederjacke becho met flamme droffe ond de het sech jede sini chli harley maschine usgsuecht ond los esches gange...ener riise kolone semmer dor die landschaft ond doerfer foer 3stond gfahre ond sesch eifach es hammer guehl gsi...do jede so voll relaxt i dem toeff ghocket esch ond sgas abedroecht het...sooo hammer. mer send doer en kaenguru haerde gfahre...wow s1. mol hani es kaegoru gse...sooo suess aber die send jo andersch gross...teil send fasch groesser als ich. leider sends aechli verschrocke wo die haerde met schwarze laederjacke acho esch ond send weidli defo gompet..=) aber sesch schoen gsi die en natura azluege.wiiter esches gange ond sesch eifach wonderschoen gsi dor die landschaft doere fraese. bald esch aber au scho dsonne am ondergogsi ond mer haend en rascht am meer gmacht ond de wonderschoen sonneondergang gluegt...alli zaeme semmer of chline steifelse ghoeklet ond haend dnatur beobachtet....leider het d'stelli chli gfehlt do oeber eus konstand 100ti vo papageie omekreised send ond die haend en laerm gmacht oeppis ondglaublechs...aber esch au cool gsi do ich das no nie gseh han...wod de donkel worde esch semmer weder zrogg eusi chline toeff go abgeh ond ab is hostel...haend en dvd gluegt ond de beni sehr glies bett...jo die andere 2taeg met hoet semmer me eifach chli omeghange chli es doerfli go omelaufe ond haend u vell speli gspelt met all dene vom hostel...ben au em momant en meersaeuli hueter...do eine scho set 5 moenet met em meersaeli onderwaegs esch.. er esch jetzt en tour go mache ond het mi gfrogt oebi chan uf passe foer en tag...machi doch..das teil het mi aber scho abislet ond gschesse hani ned so freud gha...=) hans de ame e mim saron of de schoss gha...as schoz doch es het sehr freu de dsaesse...man jezt het min saron 100 vo loecher...jetzt hanis em gschankt...schad esch es gschaenk gsi fo malysia...naja...oebrigens es heisst zucchini=) ond alli haend en schiss freud a em...ben aber froh wenn sis herrchen weder zrogg chont..=)jo hoet obe waerde mer foer 15 stond em bus hocke ond en 2 taeg werdei go skydive...han scho chli angst aber i freue mi uuu...=0) alsodas waers hoffe chan glui belder ine tue...
han euch alli lieb ond vermesse euch...schmatz

10.05.2010

Hallo mini liebe sooo han scho weder grausam vell erlaebt...eiinisch bem schaffe semmer of drue german boys droffe ond die haend eus gfogt oeb mer welle n privat tour mache nach fraser island...do mer jo es bezeli of gaeld muend luege esch eus da grad raecht cho ...well wemmer so en tripp saelber macht chammer raecht vell spare...mer haend eus denne entschede das zmache. am nechste tag semmer de go die spezielle autos go aluege wow das send halbi traktore, aber esch jo supi welle dore sand ond sie worzel steckene brucht mer jo das nedwor...jo haend de alles abchecket im hostel gseit mer goend waeg foer 2 taeg ond scho esches los gange zersch alles packe ond is auto lade ond denne metere chliine faehri of die ensle oebere fraese..juhui guet semmer acho ond denne serscht mol so rechtig vell sand onder de raeder...laeck sesch en meschig wie en tuefschne ond glattiis..aso wahnsenn. leider hets graegnet a dem tag ond alles het chli doester usgseh...naja entlang vom strand semmer es mega stoeck gfahre ond gones schifffrak aluege..huere cool ond iidroecklech..hani no nie gseh...denne semmer en schoene see go luege ond de haemmer is ofe waeg zom camping platz gmacht..aso muend euch vorstelle am strand chamer max.60 fahre pond iinland traks send max. 30 aso das esch en ewigkeit gange ond maengisch haemmer alli muesse usstiege ond zueg vo de strosse nae dasmer ch dore oder well mer dschwer gsi send ond luter so sache..es mega erlaebnis ond es schoettlet eim konstand nor im auto ome well mer halt so voll oeber baeumstaemm fraesed ond so...aber hammer...leider werd in australie am 5 donkel ond mer send emmer no am sueche gsi wo de camping platz esch...sesch halt woerkli en insle wos nor tier geht ond mol einisch en waegwiiser alles anderi esch eifach eim saelber oeber lo...so nachere halbstond donkelheit haemmers de gfonde..dmanne haend szaelt ufgstellt ond shet abegscheffet wie die sau..hihihi ich han doeffe im auto warte..u nett..=) denne haemmer alles is zaelt grumet ond znacht gaesse ond chli eis tronke gschnoeret ond de escghes scho gli en schlofsack gange dos so donkel esch meint mer mer muess schlofe..=) het eus allene aber guet do ond de nechst morge het agfange met sonneschiin..oh wie schoen langsam uf ond eusi morge gschaftli em wald verrechtet=) huere lostig wennt muesch es loch use schufle zom..hmhmhm..=) au das weder es supi erlaebnis..nach all dene sache haemmer zame packt ond send losgfahre...jetzt esch au de shane ond de ander mol gfahre...ond sesch u lostig gsi..aso meistens chasch nome 10 fahre dos so holperig esch...mer send de ane wonderschoene see..ond dete go bade laeck so oeppis schoens onglaublech aber sau chalt..=) ond denne hani doeffe fahre laeck isch lostig gsi do ichnome jugs em auto gha han...aber esch tiptop gang ond alli haend sech amusiert do i han muesse choessi am roegge due well mini bei vell zchorz gsi send foer de wage..=) soo lostig gsi ond i han glaub me chli gschroue well sesch aso scho no schwerig wenn sauto so voll schraeg stot ond mer eifach so muess wiiter fahre...hans aber tiptop gamcht ond sesch nedemol oeppis kabott gange...hihihi...jo send de no en anders rote see go aluege haend schnabeltier ond dingos gseh..also alles es riisigs erlaebnis ond das fahre esch eifach mega...aber sesch schwerig zom erklaere es geht jo de sescher weder belder...
zrogg im hostel haend sech alli gfreut of eus 2 do mer schiins so en super job mache ond am liebste waeds eus bhalte..=) esch jo au es kompliment aber mer goend wiiter am samstig..=) han oebrigens mega vellne im hostel hoor gscnette ond chli gaeld gmacht esch sooo lostig ond schoen...dene a eim obe haemmer limbo tanzed ond me hets so of mini chneu gruehrt dasi jetzt 2 riisigi blaui moese han...hihihi..jo mage grad ned so schriibe aber hoet haemmer de weder afo schaffe ond jetzt haemmer de nomi off ond haend euse bus buechet foer nach 1770 am samstig...jo swerde sescher no 2schoeni letschti taeg do..aber denne freui mi au weder wiiter zgh...aber sesch so en erfahrig emen hostel dschaffe ond luet motiviere ond onderhalte..hammer..aber mer muess ame eifach ch i muetig si zom eifach smul ufmache wenn emmr au..=)
oebrigens mami danke tuusig foer didn sms due jetzt de weder mini schwiiz nr ine dete hani gaeld..=) han u freud hoffe mer choenne gli mol telefoniere..=)
ond min daeddy leider chani ned nach tasamnie go esch mer grad chli zchalt dete aber swaer de hammer..=)
also mini liebe han euch mega lieb...bes glii weder..schmatz

04.06.2010

Hallo mini liebe sooo ich han nor chorz ziit. mer haend en mega zoiit en Noosa verbrocht...haend dor die duetsch woni em salon kenneglernt han doeffe be bekannte oebernachte...ohhh dasch sooo schoen gsi so es mega huius ond die haend eus rechtig verwoennt. haemmer gard chlii choenne spare..=0 mega schoen. au de ort esch hammer geil ond mer send chli am strand gsi ond haend en 2.5 stoendige lauf em National park gmacht.. hey sooo oeppis schoens eifach die natur die baeum ond naebe dra esch meer met wiisem strand ond de ploetzl;i rechtig grueni wese ond oeberal euqaliptus baeum ond eifach wonderschoen...hihihi seht weldi truthaehn wo am omesprenge send esch uuu lostig... ond sooo suess haen en mega haerzige welde kuala baer gse...ohhh sooo oeppis schoens. er het schoen ofemen baum pfuused sooo haerzig...jo haend en wonderschoeni ziit doeffe erlaebe in Noosa. Nach dem esches met em Bus nach Rainbow beach gange mer haend es hostel gsuecht ond choene dete jetzt au schaffe das mer gratis schlofe...huere cool also mi jo esch die luet wo met em bus achoeme abhole ond probiere moeglechtsch vell is hostel zbrenge..laeck fuehle mi ame wie en idiot aber sesch uu lostig...denne laufi edem chliine dorf ome ond a dem wonderschoene strand zom fyer verteile...nach demm muessi ame no dchochi mache...jooo sesch mol oeppis anders ond sesch cool oeppis ztue ha ond chlii gaeld spare...waerde ei woche do siii ond de got wiiter nach 1770...dete choemmer de ganz goenstig go surfe ond mache en chline tripp ofene einsami ensle met emene chliine flueger...hihihi das werd lostig...also das waers foer de momaent...aber sesch eifach uuu schoen in Australie...muen jetzt die bloede luet vom bus go abhole...=)han euch alli lieb...schmatz