21.02.2010

so do beni nomol...huu esch das en super tag gsi met send raecht wiit gfahre bes mehr zo dem Naturgebiet cho send met em Wasserfall. shet natuerli iitrett chostet ond mer haend en plan vo de route becho...ohh sesch so geil gsi weder en rechtige trekking tripp oeber stock ond stei Felse doruf ond dorab...natuerli au andersch heiss...sesch weder mol nor so abetropfet..=)Denne haend mer eus alli soo gfreut ofene riise Wsserfall met emene seeli womer cha go schwemme...esch aber leider nor es chliises baechli gsoi wo de baerg dorab gflosse esch...hihih ohh mer haend so muesse lache...do sraege ziit jo verbii esch hets jo au gar ned so vell wasser...dorom esch de Wasserfall wienes Baechli momentan..=) naja esch glich schoen gsi...mer send denn ewoerkli 1,5 stond em Urwald omegwanderet ond haend vell intressanti tier gsi wo sech haend welle aesse oder verpoppe ond ond ond...u mega schoen striebe vo de natur zbeobachte..=)mer send denne alli chli mued gsi ond nach dem tripp weder es Hostel zrogg. zrogg e de gaegend vom Hostel semmer ines schwiizer restaurant go aesse ohhh esch das guet gsi...mol weder rechtigs aesse ond ned nor riis oder nudle..=)obwohl ich das au mega gaern han do.=) Spoeter hani de rechtig lost gha zom Hoorschniide ond de Shane ,Christine ond Esra haend mer met freud haereghebt...aber chum hani agfange esch mer de Kamm os de Haend gfloge ond tschau tschuess ober balkon e tueffi abegheit...ohhh i ben grad hende noche wiede bletz aber sesch oeberhaupt ned eifach gsi zom de weder hole zwe vom Hostel haend mer muesse haelfe brogg stoh dasi han choenne ade Huusmuur ufechlaettere..hihihi esch chli gfoerlech gsi aber ben so froh hani mi kamm weder..=)denn hani alles choenne fertig schniide ond style ond ich ben oebergloecklech gsi..ohhh ich liebe min job so fest...and it is very practical o be a hairdresser...well jede muess mol ergen en Hoorschnett ha. Nachem schniide hani aber sofort en Duschi brucht do alli Hoor a mer klaept haend dos jop raecht heiss esch in Thailand=) ond jetzt semmer weder am plane was Hoet obe los esch...freue mi aemu emmer of lostigi oeberraschige...sooo aso das waers foer Hoet. Morn waerdemer worschindli en Tag am Beach mache denne packe ond am zistig gots jo los nach Kah tao met 4begleitende vom Hostel das werd u lostig...zersch waerde mer en 6stoendigi Busfahrt ha ond denn met em scheff oeber nacht of di Insle...dasch de de Ort wommer Tauche lehre...das werd mega supi hoffi...also bes glii weder mini leibe...schmatz

21.02.2010

So mini Liebe ohhh i han so en hammer geile Tag doeffe erlaebe gester. Mer send am am Morge am 7.30 abgholt worde vomene Bus ond de het eus denne zom Hafe brocht... dete haemmer chli muesse warte bes alli Luete iitroffe send. So nach oeppe 30 min. esches de los gannge...dannika ond ich send defo groennt das mer au jo die beste plaetz haend im Schiffe ond es het sech aso sehr glohnt. well mer send fore emene offne Teil ghocket ond alli euse reise gspaendlie haend platz gha...soo geil gsi..mer haend de afo senge alli metenand on es esch eso lostig gsi do mer meistens nor 1 strophe gwoesst haend ond de esch scho weder es neus lied dra gsi...nach 40min..semmer acho in Phi Phi Island ohhh en Traum ich saege euch wiise strand blaus meer palme ond Felse naebe dra...eifach es erlaebnis puur. Dete esch oebrigens de Felm "The Beach" treit worde metem Leonardo di Caprio...esch aber doch scho oeppe 10 Johr haer...mer haend a dem strand 30min gha zom go schwemme...ohhh sesch so schoen es so klarem wasser wenn eifach die bloede Qualle ned waere...=) After that esches wiiter gange go schnorchle...ohh wow das esch jo so super wie das onder Wasser usgseht oh my god...so schoeni ond farbigi fesch...just amazing...han aber zersch chli meuh gha met em wasser schnufe do mer sech muen dra gwoenne das alles nor dors mul fonktioniert...aber met de ziit gwoennt mer sech dra ond sesch mega supi. Zrogg ofem Boat het de en chliine zwoescheverpflegig geh...natuerli met Banane...die huere banane oeberall woni he go gets nor dere..=)chorz drofabe hets den weder en stopp geh ofere andere Insle met affe droffe ohh wow mer haend de die lostige tierli doeffe go fuetere ond sesch mega amuesant gsi denn zuezluege bem aesse...nachemem 15minuetige ufenthalt dete esches wiiter gange of die Insle wo voellig zerstoert worde esch vom Tsunami...esch no iidroecklech. ich meine alles esch weder tiptop ufbaut aber ergendwie die gfuehl send emmer no ome wemmer a dem platz esch..dete hets denn zmettag ghe ond mer haends weder uu lostog gha...nachere stond esches de of die letscht Insle gange wommer woerkli 2 stond ziit gha haend zom schwemme ond schnorchle...ahhh sesch soo supi gsi ond ich muess eifach saege mer send en super groppe leute, es passt eifach tiptop.hihih ond de esch no oeppis lostigs passiert ich ben am schnorkle gsi ond han mi voellig konzerntriert, do ploetzli schwemmt de Shane onder mer dore ond luegt mi ahh hui i ben so verschrocke han grad en verdammte schrei usgstosse ond bloeder wiis alli am strnd ond im Wasser haend das ghoert well de schnorchel quasi wine trompete esch.=)ben denne uftauchet ond alli send am lache gsi woni mini broelle ond schnorchel abzoge han..hihih huere peindlech aber shet is fasch veresse vor lache..=)...Soo nach demm ereignis volle Tag esches denne weder zrogg is Hostel gange.. Ohhh nach ere wonderschoene duschi semmer alli go znacht aesse ond haend ofem heiwaeg nochli bier ond wii postet ond send bes am Morge am 2 ofem Balkon ghoeklet ond haend speli gmacht ond dor das eus alli vell besser kenneglernt...hihihi ohh sesch so lostig gsi. aber woni hoet ufgwache ben hani daenkt uhhh mer send alli sehr offe gsi zonenand...esch no komisch wemmer oepper oeberhaupt ned kennt aber die woesse jetzt sache oeber eim...aber sesch supi..=) jetzt semmer am warte bes die ganz troppe parat esch ond denne gots los enes Naturgebiet go Wasserfaell aluege ond jenachdemm met elefante go riite...also i freue mi riisig ond werde de weder brecht ond hoffe dasi ziit han zom foeteli druuflade...han euch alli lieb...schhmatz

19.02.2010

Sooo juhui aentli han ich mol choenne Belder ufelade...de choender alles mol beldlech metverfolge. I ben gester frueh is Bett dos mer eifach ned so guet gange esch. han mi glaub chli verchaeltet. Naja hoet am Morge esches de scho besser gsi, han aber gseit dasi em Hostel bliibe ond chli foer mech sache mache. Oh das esch au mol schoen zwoeschedore. Denn hani welle go dusche ond es esch kei wasser me usecho...mhh d'Nina d'Hostel bsezerinn het mer denne en 1.5 Liter flaesche Drinkwasser gae..hihihihi das hani also no nie gmacht mech met 1.5 Liter dusched ond siehe da es het voll klappet han sogar no foerigs gha zom Zaeh botze he...esch aso grad chli Luxus gsi...=)Defoer beni jetzt weder suber...=) Ben denne bet einere vo Hostel go en massage gnuesse ohh das het eso guet do ond ich ben voll relaxt ond weder besser zwaeg.haend aber zersch muesse es wc go suche wo wasser lauft zom euses gschaeft mache..=)ahh sesch eso lostig gsi! Jetzt hani fasch de ganz nomi am PC verbrocht zom Foeteli druuflade ond han u vell gschnoeret met de Nina sie het mer au no en komische Thai icetea gmacht de erscht schlock esch woerkli mega fein gsi...aber alles wiitere het mi fasch chli gloepft...han jo aber nuet choenne saege...do si so freud gha het mer da zuezbereite. hu si esch de rasch veruse ond de beni de drink schnaell go usleere...huuu esch das fein gsi...hihihihi..=) Jo jetzt haengis eifach nochli em Hostel ond luege was no so got aber sesch jo emmer ergend oeppis los. Morn gots de of drei verschedeni Insle...go schwemme ond Tauche...freue mi riisig.han de au secher weder vell zverzelle..aso tschuesss....