31.03.2010

hallo metenand ond scho esch april, laeck die ziit lauft. vo Siem reap semmer met em nachtbus nach southenville gfahre...ohhh mein god langsam hassi die buess rechtig. also sesch en fahrt vo oeppe 12 stond gsi ond mer haend wohl die ommoeglechste setzt gha en bus womer sech nor chan usdenke. also met haend muesse zhenderscht hoeckle, das heisst kei platz foerd bei ond now way das mer de stuehl chan hende abe lo. jo jetzt choend er euch daenke wie luxurioes die fahrt gsi esch. hihiihi 12 stond iklemmt stiff hocke...laeck mer hety min "arsch" em laebe no nie so weh do. nevermind...send denn doch acho ond ezs het graegnet wie die sau. sesch ersch morge am 6.30 gsi. en tuktuk fahrer het eus denne zom Hostel brocht. jo das het doch super usgseh met emene wonderschoene pool. leider haemmer de nomol 6 stond verosse em raege muesse ombequem haende...do die verdammte zemmer esch ab 12.30 ready zom bewohne send. esch natuerli herrlech gsi nach dere busfahrt. Naja au die ziit esch denn mol verbii gange ond mer send ines super zemmer cho. leider esch das ned so es super hostel foer jongi gsi. es het sehr vell alti manne dete gha wo en thai onder kambotschanerin debii gha haend...jo das esch ned eso gloschtig gsi zom aluege. onderanderem beni au no beleschtigt worde vo somene gruesel. send halt eifach anderi verhaeltnis. am obe semmer denn aber doch no rasch fort ond haend weder luet kenneglernt. was das ganze emmer weder rettet. lostig esch au das sie de glich waeg mache dor vietnam wie mer... esch schoen weder es paar gpaendli debii zha.Also de obe esch denn doch au chli frueh worde am morge ond mer haend de ganz nechst Tag am pool verbrocht...ohh esch das schoen gsi. denne haemmer aber ei Nacht gloescht do eus cambodia eifach ned eso gfalt ond haend foer de nechst Tag en Bus nach phenom peng oder so buechet. hihihi jo au das esch wedere en busfahrt gsi=). send am morge natuerli met verspoetig vom ostel abgholt worde ond denn esch de tripp los gange. quasi kei platz of de setzt...aso anglaublech schmal das ganze..=)naja denne so nach 20 min. fahrt haltet de bus a ond chan eifach noemmer wiiter fahre. guet...jae do esch es problem. si haend de chli omegmechet ond sesch wiiter gange. leider nor em hoetterli tempo foer sesche 3stond...ohhh mer send alli fasch doredreit. denne nach soo langer ziit het de bus weder aghalte dos nor no groche het vo allne siite ond en andere flotte bus het eus wiiter metgnoh...hihihihi ach i saege euch...maengisch besch woerkli chorz vorem doredreie..hihi. jo so met 2.5 stond verspoetig haemmer die stadt doch no moege erreiche. Of das abe haemmer zersch oeppis ,uesse go trenke ond denne het is es tuktuk zomene Hostel brocht. hhihih haend ebe ned mol oeppis buechet. Jo jetzt semmer do ond sesch mega hammer zom luet kennelerne aber schlofe ond dusche wetsch lieber ned do.=0) naja esch jo nor foer en nacht. han sogar muesse foer swc papier 30 cent zahle..verdammt tuer aber sesch defoer pink...hihihihi. Jo haend euses gepaeck is zemmer gstellt ond send go the killing field ond beidi museum oeber de chrig go auege. Wow...aso i wiess ned wani sell saege...sesch mer andersch schlaecht gsi do mer alli schaedel ond chnoche ond chleider vo dene arme luet chan aluege...ond sesch eifach onworschindli die ganz gschecht zlaese ond belder zluege wie die messhandlet ond ombrocht worde send...aso ich ben mega froh han ich das doeffe aluege...sesch aber oeberhaupt nuet schoens foer dseele...eifach nome brutal ond onvorstellbar dases ersch vor 30 johr beendet worde esch...jo so em gross ond ganze fendi cabodia esches mega arms land ond shet so vell baettler ond chroeppel wos sogar maegisch exttra mache....was mer eifach ned in chopf got das sie sgalt usgebe foer wonderschoeni bank oder touriste gebaude aber alles andere gseht hemmeltruurig us...tja das werd halt normal si do...aber sesch eifach truurig ond ich ben sooo froh das mer morn am 11.45 met em bus=) nach Vietnam fraese...ond ich hoffe dete werds mer besser gfalle...naja sesch es iidroecklechs erlaebnis gsi...doch ben froh esches gli past.=) han naemmli uuu mega fest heiweh do ich mech ned wohlfuehle do...also mini liebe drocked mer de dume das mis busabenteuer chli besser werd als die letschte...=) han euch alli lieb ond vermesse euch.....ond daeddy vell spass bem eier verchaufe eier verchaufe, eierverchaufe=) ond mami bede osterhase das die cheibe ned schmeltze....schmatz

nechst choeme de no han jetzt kei batterie me...=)