Meli's London Blog: 2009

sooo ich han en super woche gha...am letschte mentig esch de stafan gallienne do öbere cho ond het eus de neust trend vom Hoorschniide wiiterge...hihihi esch mega coolgsi er het sogar au mini Hoor gschneet ond Vita ond Lucy händ au chli en veränderig dore gmacht...esch aber de hammer wie eusi Hoor usgsend!!=)=)Jo denne esch mega strängi Woche gsi wie emmer em momänt...aber jo mer probiere dorezhalte met der situation obwohl ich am liebste es ticket wörd bueche ond eifach wäg go reise as de seich do met zmache..aber ebe duet eim jo mängisch guet dor herti ziite döre..nedwor he=)=)...am Samstig esch de Lieberations day gsi ond mer händ frei gha ond en Salsa show vorgfüehrt...esch mega cool gsi ond au sganze Wocheend esch voll de hammer gsi. Esch mer nor komisch vorcho mol frei zha...=)=)=)jojojo aber sösch esch aowiit alles guet...i hoffe be euch au..vermisse euch grausam...schmatz

Halllooooo zusammen...sooo esch scho weder es wiili här he!Jo he i hans eigentli emmer no guet aber de wenter do esch halt chli langwiilig.Deför onternemi aber emmer öppis. Zom Biespel beni en London gsi letsch weekend.Wau das esch super gsi...mer send am Friitig direkt nachem schaffe öbergfloge...mega lostig gsi händ metemene Wiili agstosse em Flogi...hui dasch grad chlii iigfahre so idere höche Loft obe!=)Naja esch sau lostig gsi...chum semmer acho in Victoria han i müess vo allne defo rönne well mech mini lieb Colleen ines Musdical iaiigladre het wo grad gstartet het woni usem Zog cho bin..uiui händ schnell müesse sprenge dasmer häremöge händ!=)S'coole isch gsi dasi ned mol gwösst han welles Musical ich gangego luege. Denn stömer in front of Greas...sooo geil..han en riise fröid gha...ond sesch de au wörkli super gsi!wow!De send Colleen ond ich zo ere Hei ond händ gschnöret ond gschnöret. Wie schön aber au!Am Samstig hämmer is denne droffe met de anderne in Covent Garden zom En Tee trenke...wo denne es Höngerli ufcho esch...semmer alli enes mega cools Restaurate go ässe. Sesch iigrechtet gsi wie en Venedig...mega i säge euch...ond mer händ sooo vell z'lache gha wells eifach so super gsi esch...denne hämmere is nach es paar Stond weder ofe Heiwäg gmacht zom eus go parat mache för in Usgang am Obe...Jo ond de passierts...mer laufe of de Stross ond Ich, Meli han mini Auge ned offe ond laufe andersch fest ine Strosselampe ine...aaaauuuuaaaa!!!Mis Bei isch grad lamgleit gsi vo dem Schlag..hihihihi...jo de dihei hani mini Hose abzoge ond ned öbertrebe hanich doch en riiiisige blaue Mond metemene dorchmesser vo 10 cm....schmerz..=)=)=)jo ebe han deför en gueti Erennerig ane lostige Tag!De hämmeris parat gmacht. Colleen ond i händ sgliiche Chleid aglei..wunderschön...de Ben het de es chliise Fotoshoting gmacht met eus...mega Föteli!=) Spöter isches de ofs Zögli id Stadt gange zom di andere 2o Lüüt träffe...hmm..dasch e Sach gsi die zfende...aber mer händ aso scho no gschaft...Jo de esches los gange ine Gay- Club...läck du mer dasch es Erläbnis...Manne gseh sech gägesitig scharf zmache ond omeschmuse ond zwösche döre ofs WC verschwende!=)Sou glatt gsi...ond di manne send eso lieb ond lostig ond si macheder duuren Kompliment....esch aso wörkli geil zom da au mol erläbe...jo sooo am Morge am vieri semmer de mol Hei zue well mini Fröndin esch ächli betronke gsi...han aso no nie sooo öppis gseh...i han mer de Buch voll glachet...seschere mega beschesse gange aber si het so vell lostigi Sache gmacht...eifach cool!Mer händ de chli för si gsorget Dihei för e Stond ond de semmer sälber fasch ii gschlofe. Aber sii esch de sälbständig sesch de Mage go leere...ben letschte mol wosi zrogg is Bett cho esch het si so chalt gha ond esch voll gas ade Heizig iigschlofe..am nechste Morge verwachet ond en riiisigi Brandblotere am bei...hihih sesch eifach mega zom lache gsi di ganz situation...!=)jo de Ben ond i send de chli go shoppe do si ned so recht het möge...esch cool gsi...am Obe semmer de aber alli e eusi Stamm Pizzeria go ässe ond de fots doch afo schneie...sooo schön..händ de nachem ässe chli Schneeballschlachte gmacht!=)Jo denne hets getto agfange am Morge druuf...Flööög gstreche...Guernsey Airport gschlosse...super oder...aso mer send de ganzi Tag en London omegreist...zom Informatione hole was lauft..händ jenschti telefon gmacht zom de Flog verschiebe...esch es verdammts boff gsi en London..onvorstellbar...dos vor öppe 10-15 Johr sletscht mol so vell Schnee gha het wie jetzt.Guet nach 6 Stond omereise zom an Flughafe gattwick zcho..wo normal öppe en Stond duuret hämmer de tatsächli no am gliiche Tag nach guernsey gschafft! Acho ond 45Persone händ of Taxis gwartet wo ned gfahre send!Lovely!=)Polizei het de spezielli Fahrzüg organisiert zom lüüt etappe wis hei ztue. Am 10ni semmer Dihei acho anstatt am 2.30!Super oder!Han deför soo guet gschlofe welli mega kabott gsi ben!De am nechste morge uf ond go schaffe...surprise..so vell Lüüt händ de Coiffeure abgseit well si ned händ chönne härefahre wägem Schnee..das alli nor öppe 3-4 Chonde bedient händ..herrlech langwiilig gsi!=)de Tag esch aber doch no verbii gange ond de Schnee het au scho möge schmeltze das es doch no en schöni ond strängi Woche werd ge!HIHIHIHI.....sooo jetzt hani nochli Föteli...