24.06.2008

sali zäme...sooo sed scho fasch ere Woche hämmer Männerfreii WG ond sesch aso soo schöön ond suuber.....ahhhh..=)=)=)Mer änds huere sträng bem schaffe gha ond am Obe chli Lüüt around. Am Friitig beni weder met dene Düütsch-studente go düütschi Spezialitäte ässe ond esch aso mega lecker gsi ond mer het rechtigi Gspröch chönne füehre esch mega lostig gsi...Jo am Samstig esches de nomol andersch sträng gsi aber herrlech! Send nachem schaffe nochli go poste ond denne Hei go parat mache do mer jo en chlini Homeparty organisiert händ. Sesch natürli weder mol sou lostig zue ond her gange be eus dihei...händ sogar eusi neue Gartemöbel chönne iiweihe...=)=)Spöter isches denn met allne ed Stadt gange ond mer händ de gröst fun gha wie no nie...hihihi de beni doch met de Lucy ine Bar gschnä ofs WC ond nochär weder en föif minütige marsch dors staetli zrogg in Club...sprecht es girl d'Lucy a ond seit..los du gsesch mega guet us aber i wörd de Rock us de leggins ne mer gset dis Födli...hihihihi...ond mer send jo so dors züg gloffe ond ich hans ned mol bemerkt!=)=)Esch ämu lostig gsi. Nach no vell anderne coole Sache hämmer is entschede weder zo eus hei zgo ond nochli wiiter feste.....super gsi...am Sonntig hani denn för alli awesende Pfannchueche met Ananas, Trube, Erdbeeri ond Jam gmacht...lecker ond de send alli weder go pfuuse=)=). Spöter am Obe hämmer em Latinos abgmacht gha...alli send chli müed gsi aber esch glich schön gsi wenn mer zämehöcklet....Jo ond Mentig hämmer de de Husalt gschmesse ond send id Stadt go pöstele ond am Obe beni go Tanze ond scho esch weder Ziischtig....tiptop ztue gha vom morge am 8 döre bes am halbi sächsi...soo jetzt hani nochli Föteli vo mine Festereie......schmaaaatttzzzzz

17.06.2008

Hallihallo.....huiuiui di ziit lauft soo schnäll...aso bem schaffe isch alles glich em momänt esch achli relaxter do jetzt alli chli id Ferie gönd...ond s'Wätter esch scho mega lang wonderschön ond warm. Am Sonntig beni met de Lucy ond erem Frönd ond no so zwe komische of Herm go Sönnele....wow esch das de hammer gsi...de Sand isch fasch wiiss ond s'Meer mega klar, de Hemmel wonderschön blau ond d'Sonne schiint hammermässig of die Insle....herrlech i säge euch...super esch au das mer nie rechtig heiss het do emmer es chliises Wendli got....ahhhh!=)==)jo mer händs sou lostig gha ond Lucy ond ich send sogar go bade....bbbrrrr....aber schön erfröschend....Ich han die vier denn chli früener verlo ond be met em Boot weder zrögg do mich am Cobo beach no anderi Lüüt erwartet händ. Han dieheime gschnä mini Wösch veruse ghänkt..dasch au super wie mini Chleider jetzt fein schmöcke..ned wie do im Wenter=)=). Jo de hani s'Velo gsattlet ond ben an Strand gfäset. Händs natürli weder mega cool gha ond ich ben aso weder mol im Wasser glandet...bbrrr...nochär händs mi no so rechtig schön im Sand afo iiwälze do ich ebe chli en Sandschlacht azettlet han=)=)Isch ämu lostig gsi. Am obe beni de Hei go en duschi nee..uiuiui het nor no Sand em Bad gha....han aso grad no müesse s'Badpotzt nochär. Jo de beni met Kollege go de Schwiizermatch luege ond de händs grad no gonne herrlech gsi... send de of das grad go astosse=). Jo nochär hani no es Teeli metemene Kolleg dronke ond de escher gange do er chli verchältet gsi esch.Am elfi esch de de Luki ond de jemie cho ond de beni met dene nomol id Stadt eis go ne...händ de chli Lüüt droffe ond schlossänltli semmer weder be eus glandet ond händ es feins Wiili dronke...ond de esch de lang Tag verbii gsi...wonderschön gsi!! Jo am Mentig beni met de Lucy id Stadt go pöstele ond züg erledige...sesch aso voll de hammer met ere händs ame mega lostig ond chöne guet zäme rede!Super esch dasi genau glich suuber isch wien ich was potzte em Huus abelangt..hammer...jo mer händ is de zom znacht en feine Salot gmacht ond send dosse am ässe gsi, de chonnt eus so en cooli idee, de Balkon chli schön z'mache met Blüemli ond Gartetesch ond Stüehl...händ natürli de grad afo alli Beetli usgrabe ond die tode Pflanze fortrüere...=)=)hihihihi wo das alles gmacht gsi esch semmer in BQ gloffe..dasch wie en Jumbo...ond händ mega vell schöni Blueme gfonde ond en super Tesch met vier Stüehl...sooo geil...en Kolleg eschis de cho abhole met all dere War...er het aso chli an Chopf glängt woner gse het waser ide Renault Clio muess ine brenge...het ämu tiptop platz gha=)=). De hämmer is natürli weder schnäll dra gmach ond alles afo ipflanze ond zämeschrube...hihhihihi sooo geill i säge euch....ahh eifach de hammer...mini erste Gartemöbel ond Pflanze=)=)Mer send de bes am halbi elfi zobe dosse ghöcklet met Tee ond Cherzli ond händs mega schön gha...hihihi han mega freud. Jo ond Höt esches weder los gange met schaffe...De Luki flügt am Donnstig id Schwiizz ed Ferie met em Jemie....ond ich hand zemmli vell los ade Weekends no met Salsa ond züg...Freue mi riisig....han de weder Föteli woni ieduene....Ajo i hocke ide chochi am Blog schriibe ond d'Lucy esch am de Chochibodebleiche...ben aso omgebe vo hässleche döft... es gseht aber hammer mässig us jetzt¨=)=)aso bes gli weder....schmmmaatttzzz

09.06.2008

Sooo ich han euch es paar cooli Föteli vom Weekend...esch voll de hammer gsi....=)=)=)

02.06.2008

hallihallo....hei ich han en mega stressigi Ziit hender mer ond sooo vell schöni sache döffe erläbe. Agfange hets met de fashionshow fo de Pink Ladys...mer händ dene Model döffe d'Frisure mache wo nochär ofen laufstäg di neuste Chleider zeigt händ...super gsi...of bsuech esch au grad de Thomas Fuchs gsi vo de Schwiiz womer au grad igspannt hend zom hälfe Ufestecke, löckli , grad, funky....was au emmer mache. Esch aso es mega Erlebnis gsi ond het dor da au vell Lüüt kenneglernt. Aschlüssend hani de de Thomas no in Usgang met gno ond em snachtläbe vo guernsey zeigt!Mega fun hämmer gha. Jo denne am Sonntig beni met mine Salsa Lüüt chli em Park bem schöne Wätter go neui Schrett lerne...am Obe esch de s' Nelly acho. Chum het si d'Koffere chli uspackt semmer id Stadt abe ond händ en chliine Snack gässe ond mega vell gschnöret. Hihihi esch mega schön weder öper chli Familiers do zha!=)=)Jo am Mentig het de de Thomas es Seminar ge womer weder ganz vell sache glernt händ öber Farbe ond Promotion. Super gsi. A dem Obe hani de müesse go üebe för d'Hairshow woni Model ben...uiuiui esch da lang gange well so schlächt organisiert gsi esch...händ de aber alles no of d'Reihe brocht.=)Jo denne am Mettwochobe esch de di Show los gange ond esch hammer fun gsi mol sochli ofem Laustäg zpresentiere...s'Nelly esch au cho luege ond i glaube shet ere aso sehr guet gfalle..==)Am Do. hani min day off gha ond be met em Nelly of Sark...mer händ wonderbars Wätter gha ond en super tag zämer erläbt. Send vell gloffe händ mega Föteli gmacht ond vell gret!Ui de semmer es mega decks Zmettag go ha...händ de s'Gäld chli müesse zämechratze..aber het tiptop glängt=)=)....so rechtig English ond schön esches gsi...eifach super ond of dere Insle fühlt mehr sech wie ganz neume andersch...hmmmmm..=)=)soo schön gsi. Denne het Sie em Luki ond mer mega feins Tairedcurry chochet....lecker sägi euch...esch nor es bezeli scharf gsi...=)=)aber au weder en wonderschöne Obe hämmer gha. Am Weekend semmer de vell go laufe ade Kliffs ond de Josef het is no zom Lunch iglade...rechtig cool gsi ond so vell schöni Sache hämmer gseh ond gmacht...Jo denn hämmer mol agfange am Obe no chli go laufe ond send denn ame chli längeri spaziergäng worde well dorientierig mängisch chli verlore gange esch...hihihi...aber de gset mer emmer ganz vell Sache womer sosch ned wörd gse...ofjedefall esches wonderschön gsi met em Nelly do au die super shopping tour..=)=)I danke ämu nomol för alles wot so gmacht hesch...ond besch jo gläb ned sletscht mol en Guernsey gsi...=)=)=)
Jo han denne a dem Tag wosi abgreisst esch chli en Fehler gmacht bem schaffe...womi sehr beschäftiget het=)=)hihihi mini Chondin het chli Violetti Hoorgha anstatt blod..=)=)Jo han em Stress ned bemerkt das em rechtige fächli en falschi Fabtube gsi esch...jo das chan passiere ond ich han sehr vell glertn wie mer muen vorgo mer ere Farbkorrektur...sie esch ämu en mega liebi Chondin gsi ond hets mer ned so mega öbel gno...aber glich soo öpis passiert mer doch ned...tja os Fehler lernt mer.=)=)Mhhh jo ond jetzt freui mi riisig of snechste Weeked wo d'Salsa party on en Gala obe esch...hihihih ond ich han jetzt äntli zwöi wonderschöni Chleider för das...juhui chan chum warte...=)=)Ajo am Sonntig semmer do am Strand gsi met mine Salsa Lüüt ond sesch mega de hammer gsi...music, chli omeblödele, Tanze, ond speli mache...sou lostig aso he...hihihi ond de beni aso sehr onfreiwellig go bade em Meer...do mi di Jungs es mer gschleikt händ...esch aso sehr erfröschend be 14 grad...bbbbrrrr...aber lostig gsi...so i hoffe han ned zvell Fehler gmacht ben ebe chli em stess met schriibe do mi Carola jetzt brucht zom go hälfe onderrechte....get de aso no schöni föteli ond de au di vo nechste weekend....aso tschüüüüüüsssssss.......schmmmmmaaaaatttttzzzzzz