28.08.2008

Hallihallo...ond scho esch weder Donnstig Obe.Ui händ mer vell ztue im Gschäft...sesch aso wie wemmer föif Täg schaffe verteilt of vier...got aso zue ond här wie blöd. Han Höt drüü Chonde gha woni hät sölle metenand bediene..hihihi...woni das gschafft gha han esch da grad nomol passiert eifach no zwe ofenand...kei ahnig wie ich das gmacht han aber alli händ tiptop usgseh ond send zfrede gsi. Amm sächsi beni denn doch Diheime gsi ond han mi parat gmacht för zom go Salsa tanze. Mega vell Lüüt send cho ond mer hän zwe mega cooli Stonde verbrocht. Jetzt freui mi aber riisig of mis Bett nach somene Tag. Doch morn ond am Samstig werds nomol andersch zue ond här go im Hairdresser!=) Freue mi aber do ich wörkli min Job gärn mache ond sesch vell schöner wenn emmer ztue esch as wennt nach jedere Chondin es chlises Loch hesch! Jo denne am Samstig gönd mer Jonge vom Gschäft is La Perla go Znachtässe well D'Rahel d'Lehr fertig het ond nechst Woche neume andersch afot schaffe...i hoffe das da en coole Obe get...benimer zwar secher!=)Am Sonntig sötts eigentli schöns wätter wärde ond denn esch öppis mega cool going on am vazon Beach...han denn sescher weder cooli Föteli!Jo ond denn het jo mis allerliebste Mami Gebori am Samstig. S' erst mol woni ned chan met ere fiire...traurig...aber ich duen denne astosse of ens!=)=)I wönsche dir ämu scho jetzt en super tolle Tag denn..gäll...¨!=)=)also vermesse euch......bes gli weder....schmatz

26.08.2008

So mini liebe...äntli hani weder ziit zom min Blog schriibe...ben halt en sher beschäftigti Person em Momänt!=)=)=)Bem schaffe isch emmer super schön sträng ond ich han sehr vell Ufesteck för Hochziite oder Partys..hihihih werde fäng rechtig guet i dem ond es macht mer mega spass wenns ned zvell send...Aber sesch mega schön met dene lüüt zäme schaffe...ab ond zue hani aber jetzt schochli gnue vo dere Insle ond Vermesse euch sehr...aber i bliibe nochli!=)=)
Jo denn hanich jetzt es wonderschöns weekend döffe erläbe. De Luki ond ich send zäme of Porto greisst zomene Frönd womer do in Guernsey kenneglernt händ. Das heisst am Samstig morge hani no gschnäll gschaffet ond denn am Zwöi semmer scho ide Loft gsi nach Stansted. Rechtig guets Gfüehl gsi wedermol emene grössere Floghafe azcho!Aber die Lüüt du onglaublech...för zom s'Gepäck ufgeh hämmer öppe einehalb stond müess astoh...sooo müehsam...aber sesch no rächt amüsant alli Lüüt d'Studiere...=)=)=)Nachemene wiili hämmers de doch gschafft ond sind en nechste Flüger nach Porto...zwe e halb Stond spöter semmer glandet emene wonderschöne,riisig ond moderne Floghafe Porto. Euse kolleg esch scho parat gsi ond het is freudig abgholt. denne semmer met em Trämmli 20min. gfahre ond em Zentrum acho. mer send denn bemene Kollege vo em iighussed worde...hihihihi aso eigentli wärs es hammer geils Huus aber ebe die Südländer nähmes ned so gnau wenn do oder dete mol chli Wand obeabe chont oder chlii Löcher em bode het.=)=)Esch ämu cools Erläbnis. Cool isch au das de zwe Hönd het wo die ganz ziit is Huus inde pisse ond wemmer ine chont erschlots eim fasch vo dem exellente Döftli=)=)hihihi ond da Huus het öppe föif stöck.D'Hönd send aber zonderschd meinsch aber dasi der vor d'schlofzemmertöre häregmacht händ im föifte Stock!=)=)Tiptop.Mer send denne ide Chochi vo em ghocket händ en begrüessigs wii becho ond chlli pläuderlet. Spöter send mer in MC go dinniere=)=)före Luki natürli=)=)Ond denne esches idie Bar gange wo de maio (Kollege) am weekend ame schaffet...mega speziell aber sau cool. De Luki ond ich send de aber gli hei go pfuuse do mer doch ächli müed gsi send vom reise ond so...Am nechste Morge be Sonneschiin on warmen Wätter ufgwachet, go dusche wot au glichziitig chasch go negerli abseile=)=) ond de semmer chli enn städlti omegloffe, händ Föteli gmacht ond sehr fein gässe...de semmer of d'Idee zcho go shoppe amene Sonntig....tasächli händ es paar läde offe gha. So cool gsi ons so vell neui Sache, ned wie en Guernsey.Jo sesch aso eifach wonderschön gsi met all dene schöne Gebäude, Strössli ond Kafis...Nach es bezeli Gäld usge hemmer is de weder met em maio droffe wo doch fängs am sächsi zmettag ufgwachet esch!=) Send gmüetlech eis go trenke ond händ de Lüüt zuegluegt ond mega lostigi Gspröch gha. Am Obe esch is en Kollegin vo em cho abhole ond de semmer neume rechtig Strand go super fein Portugisisch ässe....hammmmeeeerrr.....ond dete got mer jo ersch öppe am 10ni go foode.Sooo geil mega frösche fesch ond neui Sache..eifach super...i säge euch...ond di Lüüt send sooo nett.So am 00.30 hämmer zahlt ond send ine mega gmüetlichi Bar bes am Morge am vieri go Portwii trenke ond eifach en schöni Ziit metenan erläbe....Aso ich han mi rechtig verliebt i de ort isch eifach hammer...ond dsproch verstoni aso schochli dor mis Italienisch ond dasch huere cool...hihihi han aber grad zersch mol chli schlächtli Wörtli döffe leher...so lostig!=)Jo denne weder chli go Pfuuse ond am Mentig an Strand...leider isches ächli wendig gsi aber esch schön gsi chli es rechtigs beachfeeling zha.Denne send de Luki ond ich nochli omegfäsed met em Trämmli go s'Fuessballstadion vo porto aluege ond no es anders Shoppingcenter...au super gsi. Am Obe spot semmer weder fein go ässe ond nachdem verosse iner bar eis go zie...wiiter isches de gange zonere mega designerBar womer cooli lüütkenneglert händ ond weder en absolut geile Obe/Nacht verbrocht händ. Nach zwe stond schlof hämmer euses züg denn weder packt ond send rechtig Guernsey greist....sesch eifach es hammer geils weekend gsi ond ich ben ganz sescher ned sletschte mole dete gsi!=)=)Jo send denn am Föifi Diheime acho hann uspackt ben go poste ond nochli züügs gmacht...Jo ond morn Obe chonnt denn de Kolleg maio womer en Porto bsuecht händ weder nach Guernsey förs Weekend dor em sini Arbet...aso werde mer secher en schöni Woche alli zäme ha!Jo ond jetzt freui mi riisig of mis bett ond de gots morn weder mega sträg los met schaffe....hihihi aso machets alli guet han euch lieb.....sssssccccchhhhmmmmaaaatttzzzz

04.08.2008

Soo hallihallo heiei wie di ziit vergoht...ond ich han so vell döffe erläbe. Han aber au en ziit gha womini Gfüehl eifach so ue ond abe send ond mängisch mech so voll beschesse gfüehlt han on de ide nechste stonde weder alles super gsi esch. Tja das gets halt mängisch. Soo bem schaffe esches natürli emmer sehr usbuechet ond das heisst seschh andersch stränd em Momänt. Aber esch de hammer ond d'ziit got ame eifach so schnäll verbii!!Jo Am erste August zobe händ do di Schwiizer en Party organisiert im Fermain Valley Hotel. Mehr send dete acho ond alli send tiptop agleit gsi zom teil au so rechtig patriotisch ond natürli schön dekoriert met Fändli ond Sache. Mer händ de zersch en apero gno ond afo Lüüt kenne lerne. Aso so vell düüschschwizer hets ned gha mer send de bem englisch blobe. Denne hets mega hammer zässe ge Spätzli,Rösti, Zörigschnetzlets, panierti Schnetzeli ond Wörschtli....esch aso wörkli mega fein gsi. Nachdem das eusi Büch alli voll gsi send hets en Spelirondi ge....Mer händ müess ab Belder erkenne,i welem Kanton de Berg oder Chele odere ond oder esch....hihihih sgliche au met zässe ond as letschts hämmer en Typisches Schwiizer Beld müesse mole wo de s'beste en Priis becho het...sooo lostig gsi!Jo aso mer händ vell Lüütli kenneglernt, vell gschnöret ond zletsch semmer no ade Bar eis go ne!Esch wörkli schön gsi!I hoffe natürli das er au alli en Schöne 1. August gha händ.
Jo am Samstig esches früeh losgange met schaffe ond andersch sträng gsi!Nachdem semmer de aber hei. Han met de Lucy chli afo rede ide Chochi ond mer händ lostige sound afo lose ond senge!=)=)denn hämmer is parat gmacht ond send alli zäme id Stadt womer en coole Obe verbrocht händ. So am Morge am zwöi send de no es paar zo euis hei cho...ben de abergli es Bett do ich jo am nechste Tag of Alderney ben.
Hihihi nach drüü Stond schlof esch mi de Luki cho wecke.....händ is parat gmacht ond send metemene Taxi an Floghafe...denne esches los gange...soo en chline schiiss Flüger wo genau 16 Lüüt denne platz händ ond du alles gsesch was de Pilot macht. Sesch mer aso scho wöhler gsi...han mi gfüehlt wie wemmer metemene Auto ide loftomekruse...hihiihi! Zom glöck semmer nach öpe 15min scho weder a Land gsi!=) Jo send de eifach mol gloffe ond gloffe. Händ en Chele agluegt, s'Stetdli met dene chline Lädeli ond de semmer an Hafe abegloffe zom go Zmorge ässe. S'Wätter het leider voll ned metgmacht ond mer send doch öpedie chli nass gsi!TJa! Ebe de hämmer welle go Zmorge ässe ond niemer het offe gha om di ziit aso sesch scho 10.30 gsi!=)MMMhhh mer händ de doch no es pub gfonde wonis die mega fröndli bedient händ...denne hets agfange...de chöme di iheimischso am elfi ine önd fönd eifach afo suuufe brandy-cola, Bier,Wii...alles was dis Härz begehrt!Hi eus hets fasch verbotzt ond send aber ofem trochne blobe!=)=)dorda mer gnue gha händ am vorobe ond eifach au mega müed gsi send. Dos jo so grägnet het ond mer egentli chli händ welle pfuuse semmer met em Zog go en Fahrt mache...mer set jo de chli osem Fänster luege, händs is aber eifach bequem gmacht ond händ he,retour pfuust..tiptop gsi!De semmer weder chli omegloffe ond eifach emmer chli neume öpis go trenke well halt ned me los gsi esch. Händ aber en mega lostigi ond cooli ziit gha...so gäge Obe semmer weder ofe Floghafe ond de flügt doch de blöd Flüger nöme zrogg wägem Wätter in Guernsey...das het is grad ächli akotzt...tja chan mer halt ned ändere. Si händ is den ines Guest Hous iiquartier...super gsi...händ de dänkt mer gönd no eus go zie ond send aber de am 21.30 scho goi schlofe!Juhui Höt het de zom glöck d'sonne gschone ond mer send am 9.15 scho weder in Guernsey gsi...send andersch froh!Jo seschaso scho es Erläbnis gsi sber i chönnt mer nie em läbe vorstelle dete zwohne be dene Alkis!=)=)Jo jetzt hani grad schön potzt ond gwäsche ond de gömmer id Stadt go zmettag ässe ond chli gmüetlech omehange....asooo han eusch alli lieeebbbb!!!!ssssccccchhhhmmmmaaaaattttzzzzz