25.02.2008

Halloo...au die Woche esch we de Bletz verbii. Han vell ztue gha bem schaffe ond mega cooli Chonde döffe bediene. Mer send natürli scho es bezeli öbermüedet gsi vo dem ganz geile London- weekend.aber was sölls.=)=)=)Jo am Mettwoch obe beni is Kickboxe ond sesch weder super guet gsi, aber shet mi donkt das si nomol en Hane ufdreit het. Tiptop.=)) Nachdem beni Hei gloffe ond e dere Ziit hets mer en blödi Verchältig agrüert. Soudoof ond sesch aso emmer noni besser. Jojo get jo nochli schlemmeri Sache. Am Samstig ben ich go brasilianisch Ässe. D'Carola het ebe för eri Salsaschüeler en coole Obe e dem Restaurante reserviert ond mech au agfrogt. I han denne no d'Filipa met gno ond de esches los gange. Mer send amene rächt lange Tesch ghocket wo mega farbig dekoriert gsi esch. Denn het is do so en Buebeli erklärt wie da do met em Ässe fonktioniert. Also es het es Buffet gha met mega verschednige Salöt ond Fröcht wot so vell hesch chöne go hole wed magsch. Am Tesch hets de Riis, Pommes Frites, Bohne ond gruusig fritierti Banane geh. Öppe föif Buebelis send metemene Spiess met Fleisch dra be de Tesch verbii gloffe ond händ der emmer schön abotte. Esch aso super fein gsi. Nach demm das denn alli fertig gsi send met ässe, esch s'Liescht abedreit worde ond mega Lut Music agange. De chöme doch so zwe rechtig Kostümierti Brasilianischi Tänzerinne ond tanze gad gschnä vollgas eis ab. Hei soo hammer geil. Nach es paar min. sends de weder verschwonde ond met händ nomol chli gässe ond gschnöret. De passiert sgliche nomol, aber jetzt send si alli Lüüt zom tanze go uffordere. De hämmer en brasil-lektion gha läck isch da schwerig...aber super. Jo ond de hets agfange. Alli Lüüt send voll am Tanze gsi. Öber bolonäse, Salsa im Chreis ond no ganz vell so züg. Sesch de absoluti hammer gsi. Jo ond de hämmer bes am Morge am halbizwöi voll Tanzet ond sesch eifach nor super cool gsi.=)=)=) Jo am Sonntig hani schön usgschlofe ond so am föifi semmer de mol id Town go öppis ässe. De weder Hei ond chli omeghange. Eigentli hätte mer jo wölle in Usgang aber iben halt emmer noni wörkli fit ond de semmer schlossäntli eifach Dihei blobe ond händ Tv glueget. Hihihi ond Höt gangi met de Carola goge rechtigi Tanzschue poste ond denn foni weder chli a met Salsa ond vellecht no anderene Tanzarte....freue mi ämu riisig. Also leider hani mini Digicam vergässe gha dorom hani kes einzigs Föteli vo dem super Obe. Aber ben secher ned s'letschte mol döte gsi.Also Tschüüüsss.....

18.02.2008

Hihihi....wani no ganz vergässe ha...esch jo no Valentins-Tag gsi....denn chomi dochis Gschäft ond a mim Platz stönd wonderschöni Blueme ond es Briefli...han fasch ned glaubt das das för mech esch. Jetzt het doch mis allerliebste Schätzi organisiert das ich en wonderschöni Öberraschig han an dem Tag....Han aso mega freud gha ond d'Blueme send emmer no wonderschön....=)=)Danke nomol!=)=)

18.02.2008

Helllooooo.....ond scho semmer weder ome. Also am Samstig am drüü hämmer döffe s'Gschäft verlo be wonderschönem Sonneschiin. Händ natürli es Taxi gno för Hei.=)=)Denne hämmer zersch mol metemene Gläsli Wii of euse London Tripp agstosse. Aschlüssend hämmer eusi Koffere packt ond de esch au scho s'Taxi vor de Töre gstande wonis zom Airport gfahre het. Tiptop iii-checkt ond wes äso esch, het euses Flogi verspötig gha. Dorom semmer den enes Kafi ine ghocket ond händ di andere Flogzüg beobachtet bem lande,starte ond sooo...beses denn doch no klappet het, das euse Flüger acho esch. nach 45min. hämmer scho weder Bode onder eus gha...=)=)S'erschte was denn natürli en Gattwick het müesse si....esch...en....Mc....=)=)Lecker gsi. De semmer met em Express of Victoria ond vo döte of Turnpike Lane. Nach chorzem laufe semmer scho be de Coleen im Huus gsi. Hure cool au si weder z'gseh esch super gsi. Jo denn hämmere is gad mol chlil zwäg gmacht echli afo eis trenke ond denn semmer es Nachtläbe vo London. Wow...esch aso voll cool gsi. Zersch semmer chli hinondhär gange bes mer denn em Zoo eusi ganz Nacht verbrocht händ. Sooo huere cool gsi...super Music ond eifach mol chli Usgangkleideti Lüüt ond super stemmig zom tanze...herrlech gsi...Am spötere Morge semmer de met em Nachtbus weder hei. Onderwägs hämmer natürli soumässig lostigi Storys afo verzelle ond eifach so vell glachet!=)=) Nachemene "erholsame" Schlof hets rechtig englisch Zmorge geh....esch jo guet nach vell alc.=)send denochli alli em Zemmer omeghange ( Lucas,Cole, Esther,Stone,me)ond händ eifach chli gschnöret...au sehr funny gsi. Spöter semmer de no gschnä chli go Sehenswördigkeite aluge ond ofs London Eye.....hammer schön gsi. Mer send gad be Sonneondergang druuf...onvorstellbar geil gsi di Stadt vo obe azluege emene mega schöne dämmernde Liecht.nach es paar stöndli ide Stadt semmer weder Hei is go ready mache. Händ de aber no länger Diheime dronke bes mer de nomol en Usgang gange send...natürli nomol in Zoo=)=)=)Ond sesch weder eifach so hammer geil ond lostig gsi...han glaub scho lang nöme so blöd do ond so vell glachet...Herrlech...Denne esches es bezeli früener Hei gange ond en Kollegin vor Coleen isch au no met Hei cho...die esch so geil. si gseht rächt brav us aber wenn die s'Muul ufmacht muesch eifach nomeno lache.=)=)Am nechste Morge semmer de nomol chli omegahange händ alles packt ond de semmer nomol id Stadt go feini Sushi ässe mmmmhhh voll geil gsi. S'Wätter esch natürli au emmer super gsi. Jo nach nomol es paar lostige Zwöschefäll hämmer is de verabschedet ond de send de Luki ond ich weder rechtig Guernsey greist. Aso sesch es hammergeils weekend gsi...ond mer wärde da gliwederhole...Aber ben jetzt andersch of de Schnöredo mer jo ned so vell schoft asomene Weekend ond mer morn scho weder schaffe....asooo tschüüüüssss..........

13.02.2008

Hello....ui han ganz vergässe zschriibe do i so vell los gha han. Esch aso es hammer geils weekend gsi! Am Samstigobe esch jo de Karaokeobe gsi...sooo geil. Mega vell Lüüt be de Shirley dihei ond zwöi Mikrofons ond en riisige Ordner met Lieder aller Art. Händ de aso andersch gas ge...bes mer denn spöter no id Stadt abe send döte go wiiter fiire. Sougeil gsi wörkli. Denne am Sonntig esch wonderschöns Wätter gsi.Hand de da chli gnosse am Meer onde..herrlech. Am Obe esches de nomol los gange. Send weder id Stadt ond vo Pup zo Pup gwanderet ond zom schloss is Folis. Esch aso de absoluti hammer gsi. Do am Sonntig chli en älteri Gsellschaft ome esch ond dasch onglaublech wasmer do alles so kennt. Öber Chonde ond Lüüt vo kennsch vo Restaurants or Shops....mhh...so lostig ond cool gsi!=)=) Am Mentig semmer met em Josef ond de Martin go Zmettag ässe imene mega feine Restaurant. Spöter semmer met de Carola nochli go shoppe ond no eis go zie. Esch aso au sehr amüsant gsi ond derzue es herrlechs Wätter. Jo am Dienstag esches mer de aber chli beschesse gange ond ben nachere Stond em Gschäft heigange. Do ich chli vo obe ond onde id d'Schössle gluegt han. Tja gets halt mängisch.=)Höt beni de aber weder ready gsi ond hans super sträng gha. Jo ond jetzt beni Dihei ond hamer es feins Salötli gmacht ond spöter goni no eis go zie met de Carola. Am Friitig startet de en geile Salsa-Obe ond de am Weekend gots ab of London juhui....Also han no es paar Föteli.....tschauuuuu....

08.02.2008

Hallihallo....sooo Höt hämmer eigentli no es cool Datom...=)=)heiei ond di Woche isch weder gfloge wie nüt. Hans zemmli sträng gha bem schaffe...Leider gots em Josef öberhaupt ned so guet, do Narchrechte ned guet stönd för en. Esch aber onglaublech was das för en positivi Person esch ond der no jede Tag chan es Lache schänke oder die eifach ufstelle....I gnüsse ämu di Ziit no ganz fest met em!!Jo am Mettwoch beni jo es kickboxe...läck du mer dasch es haups Tier wo de Kurs leitet...die brengt di aber andersch zom schweze ond mer gspürt nochär jede einzeln Moskel. Esch aber hammer guet gsi ond i probiere jede Mettwoch zgo. Spöter semmer is Red onion go de Match luege. Esch aso mega lostig gsi. Mer send z'drette höch met Schwiitzer Schähl am omefäne gsi ond natürli vo allne Siite blöd agmacht worde....aber esch alles ofenere lostige Basis gsi. Händ sehr vell Lüüt kenneglernt, onderanderem au eine wo grad näbem Salon es Chleidergschäft het. Dete beni scho öpe go poste ond dorom het er mech no kennt. Esch denn wörkli zomene geile Obe worde. Er het is vell verzellt vo sim Läbe ond esch super intressant gsi. Er gseht nämmli öberhaupt ned so us, för da was de alles scho gmach ond erläbt het. Mer send denn alli metenand vo Bar zo Bar gange bes scho weder de neu Tag agfange het......Jo ond Höt esch super Wätter gsi han sogar verosse be Sonneschiin min Llunch chönne gnüsse. Send de sogar sehr pönchtlech fertig gsi met Schaffe. Händ is ofe Heiwäg gmacht ond send no gschnä e Saveway go food poste. Denn hani feini Peancakes chochet met spinat ond pelzföllig.....herrlech gsi. Jo ond Morn werds nomol gschnä sträng ond de gots a di cool Karaoke-Party....da werd secher mega....ond es get secher lostigi Föteli...aso bes denn...tschüüüssssss....

06.02.2008

Chan halt ned emmer gönne....händ aber euses Land z'drette höch tiptop verträttet.....cheibe lostig gsi.....=)=)=)

03.02.2008

Salüüü metenand. Heiei got di Ziit schnell....esch aso very busy gsi be eus em Gschäft ond dorom esch scho weder weekend. Mer händ am Samstigobe zersch chli Lüütlis Dehei gha ond de semmer mega früeh ( am halbi achti) Id Stadt abe. Send den vo Bar zo Bar gange ond schlossendlech em Rougs go abtanze ben am Morge früeh. Huere cool gsi.=)=)Höt het is denne Becky abgholt ond de semmer zo ere Hei. Läck het die es hammer schöns Huus. Mega modern ond kei Teppech....es Wonder....=)=)Jo händ de ämu chli Tee tronke blöd gschwätzt ond näbebi Tv glueget. Esch no cheibe gmüetlech gsi!Am Obe hämmer de mol serste Höngerli öbercho ond händ is bemene feine Chines lo food parat mache. Da hämmer de met gnoss gässe!!!Esch aso super fein gsi. Eigentli hättemer de för Hötobe no planet eis go ne. I ben aber chli apesst wölls so wendet ond rängnet verosse..hihihi...dorom bliib ich ämu Dihei. Morn am Morge gangi de is Fitness metem Velo....spöter luegemer de wasesnide Stadt neus z'boste get!!!=)=)uiuiui iii wot jo gar ned dra dänke weni de weder rechtig Heichome....wani do för War han zom metschleicke!!!=)=)mer sell jo s'Läbe gnüsse nedwor!=)Ajo am Mettwoch gangi met de Becky is Kickboxe...dasch secher au good fun...soo aso han jetzt nochli Föteli.....adeeeeeee!!!!