17.09.2008

Grüezi wohl..hei was be mer alles passiert. Guet letscht Woche chomi es sms öber vo minere ehemalige chefin. Sie schriibt, das en Biosthetiquer en Genua öpper suecht ond ich mech be em sofort söll mälde!Ben natürli vor freud fasch usgflippt ond sesch soooo mega lieb vo ere das si sesch so för mech iisetzt....das esch mega!Jo denne beni chli narvös gsi nedwor ond han mol of Italie aglüte. Hihihi han den probiert mis italienisch uszpack...hähähä han mi denn aber chli ide Wörter vererrt ond de esch die Sach tiptop of englisch gange!=)Tja....Nach drüü Telefonat benich jetzt eso wiit dasich endi Oktober schnell det häre flüge ond drüü Täg go go schaffe. So das alli sech es Beld chöne mache öbs wörd passe zom dete em nächste Johr schaffe!!UIUIU ben aso chli nervös zom dete häre go aber sesch mega ufregend weder öpis neus id Händ zne!Jo gsämer jo gli was os mer wert ir zuekonft!=)=)=)Mhhh....dene hani es schöns weekend gha. Am samstig semmer us ond händ en heure coole Obe gha. Sooo geil han denn nochli Lüüt droffe woni e mine afäng in Guernsey kenneglert han (Die sen de ebe au chli go reise) ond de hani met denne bes am Morge am Föifi e sou glatte Obe gha ond soo vell zverzelle...sooo cool gsi!=)Am Sonntig morge am sebni hani de aber scho weder müess parat si. Ui nach zwe stond schlofe...Han ide Carola es Make up ond friise müesse mache ond denne semmer an Floghafe ond si het dete es Fotoshooting gha!Wow mer zwöi dete met dem Super Fotograph soo es geils Erläbnis gsi!Er het mech denne au agfrogt zom Make-up ond hairstyle mache wenner mi brucht. Huere cool ned!Mer send denn aschlüssend ane schöne Beach met em ond händ es Teeli tronke. Spöter esches no zo em Hei gang ond er het is some Lunch kochet!Hey i säge euch das Huus esch jo voll de hammer duen de es paar Föteli ine...halt en rechtige Könstler!Hihihi ben natürli voll müed gsi ond han mi denn be dem schöne Wätter chli häre gleit ond mer händs eifach alli schön gha metenand!Am one beni de weder us met Luki, Lucy, Jamie ond de Joe ond mer händ en super Obe gha!Ben de spöter met dene Jungs nochli ad Kiffs ond mer händ die ganz nacht dete verbrocht met Portwii ond lostige Gschechtli!Jo denne semmer am morge am 8ti id Stadtgloffe ond händ no es Kafi tronke metenand!Denne esches oms tschüüsss säge gange do de Joe ad Uni nach england got....mhhh esch schochli härzbrächend do mer halt vell metenand erläbt het!Jo ond de hani de ganz Mentig gschlofe ond am obe go Tanze!Ui ond de am ziistig Morge esch de Woodfordflat mega truurig go schaffe!Do de Luki jo soo verliebt esch aber sis Freulein abgreisst esch....d'Luscy voll liebschommer het...ond ich ben eiach chli müed gsi ond chli truurig do so en liebe kolleg abgreisst esch!Jojoj aber Höt gseht scho weder alles andersch us!=)=)soo jetzt dueni chli Föteli ine ond de mäldi mi gli weder!schmmmaaaatttzzz

09.09.2008

Hallihallo.....es wonderschöns weekend hanich döffe erläbe. Am Samstig nachem schaffe semmer alli heigange ond händ chli pläuderlet a eusem Holztesch. denne beni chli go relaxe i mis Bett ond han x-factor glueget (dasch wie musicstar) Hei soo lostig gsi ond mega guet!Spöter hämmer is parat gmacht ond de esches ab in Town gange...hihihi esch eigentli no mega ab gange aber de ine Club gange send hets mer ergendwie nöme so passt on de beni hei!Be sonneschiin am Sonntig ufgwachet...herrlech! D'Lucy ond ich hän de entschede chli go laufe ond eis go zie neue. Mer send de vo eus us an Cobo beachgloffe...hammer ofem Wäg dethäre hämmer en wonderschöne Park gfonde woni gar ned gwösst han das mer so öppis cools händ!!Uiuiui mer send de wie zwöi chlini chend ofde Wese omegspronge,send go äntli aluege ond händ chli Föteli gmacht...hihihihi...!De semmer aber Wiiter ond send doch dete acho womer händ welle.=)=)Mer send för es ziitli am Strand em Sand ghocket ond händ's eifach gnosse...suuuper. De esch is Rockmount gange womer afternoon-tea ond sconds gnosse händ...mmmmhhh!=)=)Mer hän u vell gha zom schöre was mega guet do het!So am halbi sächsi semmer de ofe Bus ond sesch chalt worde ond het afo wende...brrr...ber send de wie zwe penner wo ke chleider händ am Strosserand gstande ond händ min Schal om beidi omegwecklet...händ alli chli blöd gluegt...mmmhh werom äch?=)=)Zom glöck isch de de Bus cho!Diheime esch de jede i sis Zemmer verschwonde ond de so am 11 zobe semmer nomol en Usgang. Sesch de absoluti hammer gsi eifach alli super gstemmt ond am tanze ond lache soo cool gsi....han a dem Obe mega vell Schwiizer ond Düütschi kenneglernt ond mer händ so lostig gha. Wo denne de Club zuegange esch hämmer entschede be eus Dhiei wiiter feste. Mer send de s'10'te höch sengend zo eus Hei gliofe ond händ no es paar wörkli hammerstonde metenand erläbt. sesch eifach so cool gsi well jede so happy gsi esch...hihihi...herrlech!Jo am mentig esches de halt oms botze gange...aber das ghört jo dezue!ben de eigentli meoder weniger Diheime gsi ond Zobe go Salsa tanze was mega cool gsi esch!Jo ond denne Höt esches weder losgange met schaffe!

1.09.2008

Grüezigrüezi...sooo ond scho isch September. han es mega cool Weekend gha. Send am Fritig Obe ane Kunst Ustellig. Esch intressant gsi zom die Belder d'studiere ond usezfende was das chönnt si...het aber nor öppis gha womer wörkli gfalle het. Sesch aber cool gsi zom lüüt weder z'gseh ond chli pläuderle. Denne semmer no ofene drik is laskas ond Yacht ond händs mega lostig gha. Am Samstig hani am achti müesse afo schaffe ond han mini brut gha wo mega höbsch usgseh het wosi fertig gsi esch. de Tag esch rächt schnell verbii ond mer händ d'Rachel verabschedet metemene Gschänkli. Am Obe semmer met ere go ässe zom absched. Esch lecker gsi ond händs lostig gha. Ich ben aber grad hei gange ond han mer en gmüetleche Obe i mim zemmer gmacht...super gsi...! Jo am sonntig benich de met de Lucy go fein zmettag ässe. Mer sind id Stad abegloffe ond huere cool händs d'Stoss gpehrt ond d'Restaurants händ eri Tesch usegstellt. Mer händ das natürli grad usgnötzt ond händ so drüü Stond verbrocht zom de Lüüt zuezluege ond fein ässe verosse. De absoluti hammer gsi. Spöter beni de no metemene Kolleg chli ad Kliffs go laufe ond denn beni met mine Fraue am Obe in Usgang. Hihihi souglatt gsi ich säge euch!Jo ond jetzt isch scho weder Mentig ond händ chli shopping gmscht förs Huus ond chli omeghange...glii goni aber go tanze ond denne go pfuuse do di neu Woche weder startet.beybey