31.10.2007

Höt hani ersch am nüni müesse afo schaffe, doch han glich ned so guet ufmöge do mer gester no eis send go trenke.=) Am Morge hani leider ned so vell ztue gha doch plötzech het sech denn das gänderet. Esch mega cool gsi.Han e Chondin bedient wo es bezeli italienisch het chönne. Dasch cheibe lostig gsi...mer händ is gägesitig Wörtli glernt...ond eifach italienisch/englisch gret. Very funny. Doch för mech esches mega schwerig gsi dos es mega dörenand ge het e mim Chopf met de Wörtli. Mis italienisch esch em momänt ned voll present. Esch glich guet gsi...D'Chondin esch denn ämu mega zfrede gsi metmer ond het mer sogar 10Pfund Tips ge= 25 FR. Hähähä! Jo denn esch de mol halbi sächsi gsi ond mer send en Fürobe. Diheime hämmer denn en cooli Onderhaltig gha. De Metbewohner het met sine Kollege Hummer TÖT ond de chochet. Esch jo mega hässlech wiesech di arme Tierli wehre ond sech no cheibe fest bewege wenns tot send...uuuuu esch mer gad chli de Appetit vergange....aber de Luki ond ich händ de glich no öpis chochet.Es het feini Teiware met Gmües ond Pestososse ge...mmmmmhh esch aso very lecker gsi.Jo ond höt Obe wiessi noni was lauft. Aber mer wärs au glich wedermol früeh is Bett zgo do ich andersch müed ben=)

30.10.2007

Hello again....sooo ich ben jetzt i dem wonderschöne Guernsey acho ond han scho en Tag gschaffet. Sesch aso very very nice here.Wohne emene coole Hus wo no drüü wiiteri Persone läbe. Jede het sis einige Zemmer (bes of mech wo för die erst ziit bem Luki em Zemmer wohnt) ond en mega schöni,grossi,gmeinsami Chochi. Hami aso scho schön iigläbt.Höt esches den am halbi nüni los gange met schaffe. Euse Arbetswäg esch 15min. zfuess ond got dor mega härzigi Gässli. S'Gschäft isch em Centrum enne ond chli wiiter onde hets en chline schöne Hafe. Wörkli wonderschön do...fasch chli en Feriort. Ebe em Salon händ mi alli mega fröndli begrüesst ond mega vell welle wösse vo mer. Esch aso gad chli andersch weder da woni z'London erläbt han. Han mi dorom au gad wohl gfühlt. Jo natürli hani au Chonde döffe bediene ond han sogar 2 Hutberotige gmacht of englisch esch aso no cheibe lostig gsi.=)Doch d'Chonde helfe eim mega ond si fendes cool wemmer eifach vollgas druf los ret.=)Aso sesch mega super ond i'm very happy in this Town with the very gentle People.=)Jo denn esch de Tag cheibe schnäll verbii gange. De Luki ond ich send öpis zässe go poste ond denn hämmer Znacht gmacht.D'Metbewohneri esch de au no cho ond de hämmer chli gret esch very funny gsi. Spöter gömmer no eis go schnäpperle met zwe vo dem Huus da wert secher au cool ond vorallem chani ab jetzt mega vell Englisch lere...esch herrlech...

28.10.2007

........Ond doch no eis womer chli normal usgsend....=)=)

28.10.2007

...Das wär aso Colleen...met Hoorfarb ofem Chopf......=)=)

27.10.2007

Nachere relativ guete Nacht semmer ufgstande. Doch ergendwie semmer eifach ned ganz fit gsi...esch worschindli gnue gsi am Obe vorher.=) D'Amsle isch go de Kollege Didi abhole am Airport ond de Stefan ond ich händ de Morge in volle zög gnosse. Spöter wo denn alli iidroffe send wär eigentli Biertour losgange. Doch de Stefan ond ich händ devinitiv ned möge met. Guet de send Amsle ond Didi elei gange. Mer händ is den en mega schöne Tag gmacht. Send dor schöni Pärk gloffe ond öpis feins go ässe. Denn hämer is entschede doch no es Bier go ne met em Didi ond de Amsle. Esch no cheibe lostig gsi. Mer händ si denn lo wiiter mache ond send hei go de letscht Obe gnüsse.....es duet aso so guet wenn de Stefan do esch....=)=)

26.10.2007

Nachdem dasi min Schatz schön ben go abhole Gester am Flughafe, hämmer en super schöne Obe metenand verbrocht ond send gli go pfuuse. Am Morge semmer denne gmüetlech ufgstande händ fein Zmörgelet ond send denn in Stadt chli go omeschländere. In Covent Garden hets en Duurmärt ond vell Stossekönstler. Die hämmer denn chli bewonderet ond bemene Stand es mega schöns London Shirt kauft. Sesch aso rechtig schön romantisch gsi.=) Zom euses Höngerli am spötere Nomitag zberuige, semmer imene französische Restaraunt es feins Plättli go gnüsse. Wonderschön.....=)Zom chli verdaue esches denn nochli wiiter gange ide Stadt.Mehr händ no vell agluegegt ond vell Schrett gmacht. Denne esch scho Obe gsi ond mer händ met de Amsle abgmacht zom go Spiise ond denn en Usgang. Natürli hets weder em Fridays agfange...esch halt scho super mis Stammlokal...=)Mer händ is denn en riisige Caipirinha zom Apero bstellt. Leckerschlecker=) womer de ufgrüeft worde send a euse Tesch, hämmer is en feine Bode agässe för nochär. Esch aso sehr guet gsi. Nachemen Tschüss-Drink esches los gange in ZOO. Dasch en Disco Bar ond es got mega geil ab. Herrlechi stemmigs Musig ond eifach mega fun. Sesch aso de doch chli spöter worde.=)Mer händ denne de Nachtbus gno wonis denn eifach neume usegloh het ond mer no en rächte Fuessmarsch händ müesse härelege.Esch natürli relativ lostig gsi. Dihei hämmer denn nochli wiiter gmacht bes denn scho fasch hell worde isch. Denn esch en guete Ziitponkt gsi zom go schlofe..=) Aber sesch en hammer schöne Tag gsi ond en super Nacht....ond wonderschön das alles met min Schatz zerläbe....

24.10.2007

Nach erer chlini Verspötig vor Colleen=) esch eusi Shopping -Tour losgange. Mer send nach Camden Town. För mech esch da wienes Las Vegas eifach oni Spellsalons sondern met vell Chleiderläde, Märt ond Strosse wiis food.Ade Hüüser send riisige,farbigi Figure festgmacht,wo den ganze en cool tasch verleit. Sech ener ächli speziell aber mega lostig was do för gspässigi Lüüt ond Mode het. Mer händi is ämu sehr lang dor die Ständ ond Läde dorekämpft ond händ denn schlossendlech festgstellt dases för euse Gschmak gar ned eso vell omehet. Guet denn hauemers doch weder. Send denne blöderwiis ene falsche Bus iigstege, womer natürli ersch nachemene wiili gmerkt händ, ond händ aso en super Reis gha vo guet 2Stond!=)Aber esch onglaublech wasmer do för neui Sache chan gseh.=) Womer denn in Turnpike Lane acho send, esches nomol losgange goge pöstele. Händ denn doch chli me gfonde nach eusem Gschmak ond Ziit esch wedermol grausam schnell ome. Ich ben denn of d'Ubahn ond heizue gfahre. Han nomol alles aprobiert wasi schöns kauft han, well dihei gsehts emmer nochli andersch us.=)Denn het de Amsle ond mini Pflecht-Serie weder agfange. Zwar Dirty Dancing Casting-Schow. Esch mega lostig ond ich han jo eine, wo met tanzet zuefällig kenneglernt met em Caroli ond em Meli. Leider escher denn tatsächli as erste usegheit gester. Han chli freud gha weller sooooo es mega höch em Chopf het.?=)Jojo ond denn semmer de gli go pfuuse....ond MOrn esch jo scho Donerstag ond min Schatz reist am Obe a.Freue mi riisig......

23.10.2007

Jo nachdem dasi am Morge früh Heicho be hani mi grad nomol en Rondi is Bettli gleit. Denn hani eigentli ned so vell gmacht. Ben no go Poste för de Bsuech wo am Weekend chont ond han met de Amsle eis agstosse of sini Arbetsfreiziit för di drüü Mönet. Mer händ denn zäme min Flog buechet ond no wägemen laptop glueget. Also das heisst i flüge am Mentig 29. Okt of Guernsey. Ond freue mi mega. Jo er esch denn weder gange met es paar Ex Gäftskollege en Fuessballmatsch go luege. Ich hänges jetzt nochli ome ond duen nochli Plane wasi alles met em Stefan mache wenner am Donnstig of London chonnt. Da esch ebe au no en rächt spontani Gschecht gsi. Aber ich freue mi wienes chliises Chend wenni en äntli weder döf gse. Ond mer wärde wonderschöni Täg erläbe metenand........

22.10.2007

Min Tag het wedermol beziite agfange ond han mi of d'Suechi gmacht nach dene Intercoiffure Gschäfter. Serste hani denn sofort gfonde. Mega schön modern ond wahsennig gross.Ade Reception hani nochegfrogt wies usgseht met emen Job, han natürli weder en sehr fröntlechi Person troffe, womer denn schnippisch es chärtli geh het met de Telefonnr. vom Manager. Han denn no nochegfrogt öb si au wörkli en Inetcoiffure send. Si het denn mech nor schräg aglueget ond ned gwösst vo was das i rede. Ok tja hani glaub weder en gueti Address igfange. Nochär beni wiiter of suechi ond han di Salons eifach ned gfonde. Öberal hani nochegfrogt wo die Huusnommere esch,doch niemer het das kennt. Nach langem laufe chomi plötzli zmetzt ide City a. Han denn no es paar sache erlediget ond ben denn Heigange. Am Obe lüütet de mis Natel ond de Luki esch dra. Er seit dasi en Job hät be em in Guersey ab sofort. Dorda dases be ene echli Omständ ge het. Ben zersch gad chli öberrommplet gsi. Doch de hani müess feststelle das da eigentli en cooli Sach wär. De hani en Job, verdiene, kenne scho öpper, d'Insle isch schön aso wördi säge Tiptop. Han den nochli Rot be min mami on so gholt ond jetzt beni sehr öberzügt defo ond werde sofort en Flog bueche. Am spötere Obe beni denn no zor Colleen es Wiili go trenke ond sesch mega lostig gsi. Mer händ mega vell gret ond je länger je me hämmer gmerkt das mer eigentli mega glich send. Nur traurig dasi jetzt gad weder abhaue. Aber es get jo s'Net ond Natel. De Obe isch denn chli usgartet ond mini Trämmli send nömme gfahre , denn esch mer nüt abders öbrigblobe as ber Colleen zschlofe. Esch cheibe lostig gsi aber de Morge esch vell zfrüeh cho ond Si het müess go schaffe. Da esch mega übeli gsi.....=)=)

21.10.2007

Nachemen gmüteche Ufstoh ond emene feine Zmorge, hämmer is denn doch mol Veruse begeh. Eigentli hämmer wölle sones Geisterhuus go aluege.Send denn aber oni das mers gseh händ dra verbii gloffe ond ächli em Züg omegerrt, bes mer denn am gliche Ponkt weder före cho send.=) Leider hets denn soo en riise Schlange vordra gha ond das hämmer is aso ned wölle atue. Es andersmol denn. Wiiter isches gange rechtig London Brige. Mer händ en schöne Egge gfonde ond dete es paar Stöndli verwiilt met öppis Ztrenke ond feini Chrabbe Chips.Wo denn d'Sonne nömme bes zo eus häre gschint het, semmer denn öber Brige gloffe rechtig Ubahnstation. Esch aso mega schön gsi e dere Gägend. Jetzt höckle mer Dihei ond es get sehr feine Bananechueche....aso ich striite mi jo gar ned omenes Stöckli=). Am Obe gots enes Restaurante. Ed Rondi esch mol Suschi grüert worde... wär aso mega lecker...aber mehr gsänds jo de wasis vorschwebd. Es werd ämu seches en coole,spote Obe........

20.10.2007

De Tag het höt am nüni agfange. Eigentli hani mer jo vorgnoh die zwöi Gschäfter no go azfroge. Han den aber dänkt ich gnüsse jetzt eifach das Weekend ond luege am Mentig weder vorwärts. Nachemene chline Läbesmettel iichauf send denn de Pädu ond s'Conni met chli Flugverspötig acho. Mer send denn eigentli grad nach Coven Garden go omeluege. Sesch mega schön dete wells so vell Strossekönstler hät ond en Duurmärt met ganz spezielle sache. Jo mer händ denn dete chli verwiilt ond sind no en leckere Drink metemene chline Häppli go ne. Esch aso super gsi. Nachemene chorze Ufenthalt diheime eschs denn weder los gange rechtig Bayswater. Dasch esch ebe es Öberraschigsässe gsi för de Pädu!Sesch en eifacheri Gschecht vom Sagakan en Brasilianisch. Superlecker aber grausam vell.Es het Zwöi Buffet gha eis met Salot ond eis met warme Biilage. Denn esch emmer eine metemene Spiess voll Fleisch an Tesch cho ond het dir es Stöckli abge. Aso eusi Jungs send rächt of Hüehnerhärzli abgfahre. S'Limit esch denn aso gli erreicht gsi met ässe do mer jo nochli Platz mun lo för sDessert. Mmmmhhh... shet aso ganz feini Mousse geh...de Pädu het denn es Kokos gno ond ich han mi för es maschtigs Schoggimousse entschede. Aso shalbe hani möge ässe, es esch aber mega fein gsi, mer chasechs vorstelle wie Nutella.....mmmh....Jo sned möge ufässe het mi den spöter doch no en Rondi kostet.=) Spöter semmer denn no ine Bar ond denn aber gli weder Heizrogg well d'Müedigkeit doch plötzli vöre cho esch. D'Amsle het is denn zom pfuuse no es feins Verrisserli gä ond denn händ gläub alli guet gschlofe.......

19.10.2007

Höt beni am 11i pönktlech em Salon gastande.I hani jo scho gwösst woni mis Züg muen häre due. Denn beni weder mol chli omegstande ond han d'Styliste beobachtet wie die düend schaffe. Aso Föne chönes grausam guet das muesi denne lo. Aber alles was met schniide ztue het het mer mängisch fasch chli weh to....tja...Nachemene ziitli hani denn de Chef welle drufaspräche wägem mim Job, wies lauf,wasi verdiene o.s.w. Doch chum hani es Wort gseit escher scho weder os de Gschäfttöre verschwonde...hmm aso das chönt e betz schwerig wärde. Jo de hani wiiter gmacht ond be rechtig abgschobe worde of Bimbojobs. So am vieri hani mech denn mol abgmeltet ond gseit i gange min Lunch go ne... Am liebste hätti mis Züg packt ond wär gad ganz verschwonde. Doch ich han jo Astand he.=) Nach dere Stond Pause beni weder zrogg ond em mim Gsecht het sech min Aschess förmlech lo abläse lo. Nach es paar min. packt mi de Chef ond ziet mi enes Chämerli. Denn seit doch de zo mer; also de Job hätti doch ich müessi am Sonntig obe vier Stond lang lehre Hoorschniide ond denn chöni langsam mech vomen Afänger ufearbeite bes ich denn en rechtige Stylist ben. Ben aso gad chli baff gsi ond mini englische Wortschatz het sech ofs minimum beschränkt; aso ich han quasi nömme gwösst was säge, wölli gad zemmli verletzt worde ben.Denn ich han ned en vierjöhrigi Topusbeldig gmacht zom dete weder be null azfo.Ond zodemm isch mis wösse ober Schnett wiiter as be dem Chef. Guet er het sech denn weder schleunigst defo gmacht ond ich han ned chönne säge wasi do dröber dänke.Zom Glöck isch denn gli mol achti gsi ond ich han mi ofe Heiweg gmacht. Denn hani mer so öberleit wani jetzt söll mache. Well i fendes ok wenni vellecht en Woche ned vell döf mache ade Chonde,aber mini Modells ha woni chan zeige wasi droffe han...aber ned so dasi nomol Afängerkürs muen mache, das wot ich ned.Jo ich han mi denn nomol Telefonisch gmäldet ond gseit dasi öberhaupt ned glöcklech seig met dem Agebot ond dasi nöme zrogg chome, well es guets Gschäft esches jo ned wörkli. Ich wär jo e nor so lang döte blobe besi öpis rächts gfonde han.Jo aso beni scho weder en Erfahrig richer worde. Doch mer gots vell besser wölli weis dasi nöme zrog muess!Jetzt gnüssi s'Weekend met em Bsuech vo de Schwiiz ond am Mentig gangi weder of Jobsuechi.Han nämmli no zwöi ganz tolli Gschäft gfonde........

18.10.2007

Also am Mittwoch send Colleen on ich de ganzi Tag of Jobsuechi.Ich han 25 CV verteilt ond es paar Agebots öbercho womer denn no bscheid gänd. Doch vell Salons händ mer ned wörkli gfalle.Be eim hani gad s'Agebot becho höt go dschaffe am Morge am achti. Das hani natürli au gmacht ond mi riisig gfreut. Doch i ben pönktlech dete gsi ond kes Schwein isch em Salon gsi. De hani mol chli gwatet ,ben go en Tea drenke ond am nüni nomol go luege.Denn esch öper dete gsi.Ben ini ond ned sehr fröndli begrüesst worde...de Chef het gmeint ich hät ersch of di 11 sölle cho.Tja ben denn blobe. nachemene ziitli het mer de öper gseit woni cha mini Sache häre due ond de beni mol chli go zueluege. I ha probiert mech nötzlech zmache doch niemer het mer öpis zeigt oder gret metmer.Em verlauf vom Tag händ sech denn zemmli alli Vogstellt be mir. Send jo mega vell Lüüt. Denn hani mol de Chef druf agsproche was er eigentli meint zo mer ond öbi chönt be em go schaffe. Er het mi denn chli abgwese ond gseit jo spöter redemer den mol dröber. nachemene ziitli hets mi de chli akackt nor omestoh.han mi denn mol gösseret dasi au gärn möcht schniide ond so, sosch gseht jo niemer wasi droffe han. Das het den au klappet ond ich hanes paar fröndlechi Konde bedient.Aber es got scho ganz andersch zu ond här wder ide Schwiiz. Jo nachdem dasi denn öppe nün Stond e dem Gschäft gsi ben hani de Chef nomol gfrögt öber jetzt äntli ziit het.Er het denn gseit ich söll doch jetzt Hei go ond Morn of di 11 weder cho. Hani denn au gmacht. Jo jetzt luegi mol wies Morn werd ond froge gad am Afang öber mi jetzt wot oder ned..wener mi de weder abwiist laufi de eifach osem gschäft, well lo usnötze loni mech ned..För das hani en zgueti Usbeldig döffe mache. Jo weder gsänd esches no rächt hert do för mech...bruche im momänt sehr vell Energie well die Coiffure-lüüt do eifach voll onfröndlech met eim omgönd. Ich hoffe ämu dases Morn besser werd ond sosch luegi ergend för öpis anders.Es chont jo meistens so wies muess.........

16.10.2007

D'Nice ond de Adi send am Morge weder heigreist nach dem mega coole weekend met ene!traurig=)!Ich ben denn met de Colleen of Job suechi ond a mis interview em Salon Hebe. Ben mega fröndli empfange worde ond met de Chefin en 3te Stock ufegwanteret in eres office. Sie het mer chli züg em net zeigt wie guet das ere Salon esch ond het min CV as mega guet empfonde. Denn esch mini Ufgab gsi, es Modell go suech of de Stross zom dere ergend en Frisur zmache. Han natürli gad mini Kollegin gno. De beni ane Platz abgschobe worde ond han eifach chönne walte. Niemer het mer gseit weles Shampoo, wo d'Mänteli send wos Produkt het woni chönt bruche o.s.w....aso hani mini Sach gmacht so wienis glernt han. Met Kopfmassage, Make-up, Cut and Brush. Niemer het zueglueget ond sech entressiert för da woni mache. Em Boss hets de au ned wörkli passt, sprich es escher ned ufgfalle dasi mini Chondin vo A-Z verwöhnt han, do sie di ganz Ziit em Büro ghocket esch. Nachemene chorze Gspröch hani för mech gmerkt dasi döte secher net wot schaffe ond denn het sech das au schnell erledigt gha.Die händ dor so en Typ en guete Ruef förs Gschäft aber mache deför eigentli gar nüt. Nach dere Entüschig semmer gad wiiter of d'Salontour ond han deför es paar gueti Address becho woni min CV muen schecke.Hani jetzt au gad gmacht....wämmer luege wies wiiter got.Morn gots am nüni ämu grad weder los...ergenöppis werd jo de wohl klappe....=)

15.10.2007

.......sooo höt hämmer ächli me gschlofe ond händ is met emene feine Zmorge gstärcht. denn ischs los gange rechtig City. Zersch hämmer is vorgno alli Sehenswürdigkeite vo London go aluege ond denn go Shoppe. Do ich ersch einisch per Zuefall grad of die rechtig Stross cho ben wo alli Sache send zom aluege, hanis Höt natürli süberst ned gad gfonde. Womer denn ächli im Züg ome gloffe send taucht doch tatsächli en coole Hairdressersalon uf. D'Nice ond de Adi händ mi förmlech döt ine gjagt, zom go froge wägere Stell....ben de aso au gange.....ond met ere e-mail address weder use cho... aso d.h. ich söll doch mi CV dene zusende. Denn semmer alles go aluege sprich: London Eye, Big Ben ond zo guete schloss de Park vo de Königin. Döte hämmer es chlises päuseli gmacht ond chli pläuderlet....plötzlech lütet mis Natel...esch aso grad d'Chefin von dem Gschäft dra gsi ond het mich omes Vorstelligsgpröch bettet; Morn am drü......ihää...jo esch aso herrlech...of das abe semmer den i eim lade go Shoppe...det chonsch aso alles öber vo Kleider zo Schue ond Assesoires...es reins paradies...händ mega schöni Sache gfonde onds sehr lostig gha metenand. Bem zahle esches denn aber doch nömme so amüsant gsi...=)8) Denn hämmer is ofen Heiwäg gmacht send no go Zässe poste ond händ öpis leckers zom znacht kochet. Es feins Wiili hets derzue ge ond gueti Onderhaltig vo allne. Bes Zobe spot hämmer de nochli gschnöret Wii tronke und Musig glost bes denn alli is Bett send...

14.10.2007

Hihi schöme de aso no me Föteli aber es wot em Momänt ned so rächt foktioniere...=) muess wart be d'Amsle hei chont......=)=)

14.10.2007

.......Nicole.....Adi=)......und Ich

14.10.2007

hello hello....soo nach ere lostige, chortze(3std.) Nacht semmer guet ufgstande.Händ is schön parat gmacht, en Toast iegfräsd ond denn isches los gange nach London ExCel. Mer send super oni Omwäge acho....ond fröndlech iigwese worde womer eusi Ticket chönd go abhole. Denn semmer i di riise Halle....hammergeil....zom glöck semmmer so früeh dra gsi, dases noni so vell Lüüt gha het....Zor Begrüessig hets en riise Tragtäsche ge (1m dorchmesser) met allerlei Prospekt denne vo Salon International....denn Hämmer is mol dor di velle Ständ döre gschlenderet on öberal öpis ed Händ bech. D'Nice ond de de Adi händ mi aso sehr ufgmonteret ond denn hani quasi a jedem Stand agfrogt wägenem Job.....ben sehr fröntli informiert worde ond han ganz vell Adresse öbercho....eine het sogar mini Personalie ufgno ond luegt somet ome för mech. Esch aso hammer cool ....jetzt beni rechtig motiviert zom Jobsueche....scha aso los go...=)Jo nach so vell geile showe ond neuikeite womer händ chöne usprobiere ,semmer weder use a die frösch Loft chli go sönnele, es Kafi drenke....mer händ nochli pläuderlet ond ometelefoniert.....sesch aso eifach voll de hammer gsi=).....
Jetzt semmer weder dihei chli am eusi Füess ufehebe ond chli omelegge, bes mer den am früe Obe id City gönd eis,zwöi go ne ond öpis ässe....swert aso secher mega lostig...ond mer wärde Höt secher vell Lüüt onderhalte ond kennelerne...=)......

13.10.2007

Höt am Morge send de Tobi ond d'Amsle rechtig Floghafe gfahre ond somet hei id Schwiiiz..... wär am liebste au grad met gange do ich Höt gläb eifach ned so en guete Tag han.=( easy... han denn chli englisch glernt ond ben nochär go pöstele das mer weder chli gsondi Sache im Kühelschrank händ=)....nach dere ener ongsonde Woche met em Tobi......=)
Zobe spot chöme de d'Nice ond de Adi (2 Gschäftskolleginne), woni de ergendneume gange go abhole. Of da freue mi mega. De hani weder neui Onderhaltig. Worschindli werd euse Obe ned all zu lang werde, do mer jo morn ganz früeh uf stönd, well "Salon International" agseit esch. Juhui da werd secher en mega geile Alass.....

.....und noch ein paar Farbföteli.....=) ( das ist eine 24 std. Uhr )

.....sooo hier stehen wir nun, auf der Mitte der Welt.......

............ sooo schön geht es weiter.......=)

......Die Innenausstattung...wunderschöööön........=)

.....Unser Schlossbesuch.....schöne Aussicht.....

12.10.2007

Höt esch de Tobi elei go Zmorge sposte ond het eus schön alles uftesched, wo mer denn zor Duschi use cho send...herrlech..( sesch ebe em sini Bestrofig gsi, do er jo Gester sis Herni chli vergässe het=)=)=)). Nochär hämmer d'Jagge mondiert ond send rechtig U-Bahn. öppe 40min. send vergange ond mehr send Greenwich acho. De semmer chli omegloffe bes mer das gfonde händ, womer händ welle go besechtige. Zwar "THE ROYAL OBSERVATORY". Döte isch de Null- Ponkt vom Meridian. Aso semmer quasi er Metti vo de Wält gstande. Die händ döte es schöns Museum iigrechtet met schöne, alte Uhre ond wie die erste enstande send. Au en grossi Weltchogele esch vorhande gsi, wo alli Ziite droffe gsi send. Esch mega guet gmacht gsi ond eifach mol chli öppis anders. Ziit esch weder mol rächt schnell ome ond es esch ofen Heiweg gange. Do am 14.20 Uhr euse heissersenti Felm im Kino gloffe esch womer reserviert gha händ.=) Esch aso ganz en härzige, lostige ond mega guete Felm met dere coole Ratte. Ich duene aso gärn wiiter empfehle.=) Jo ond jetzt semmer weder Dehei. D'Jungs gönd nochär enes Musical...i chan mers leider nömme leiste nach dere Woche...=) dorom gangi eis go zie...Jo ond Morn got de Tobi scho Hei....ond mini zwe Laydis träffe ii...ond denn gots los met em salon international Kongress...mmmmh freue mi riiisieg...

11.10.2007

Herrlech das es doch noch funktioniert hat mit den Komentaren...=)=). Aslo höt hani ganz en super Tag send öpe zwe Stond met em Zug rechtig schöns,grüens Land gfahre...met super onderhaltig vom Tobi, ond denn semmer gogenes wonderschöns, riisigs Schloss aluege. Esch aso alles sehr guet dargstellt gsi met Wachsfigure ide schöne Rühmlechkeite. Denn hets en Geistershow ge wo andersch erschreckend gsi esch....(aso eigentli gar ned). Gfolgt het no es Sper schüsse ond denn semmer öppis go habbere. währendem ässe semmer vo allne Siite vo Schwän agreffe worde...d'Amsle het denn met einere en engi, lieblechi Beziihg abahned ond met mine zwe Schwän esches doch ächli agressiver zu ond här gange, spich: mini Jacke esch rächt versaberet gsi ond mis Täschli händ doch möge es bezeli demoliere....=) er gsänd sesch aso cheibe gmüetlech gsii!=)Jo nach dere enspannende Pause esches wiiter gange im wondeschöne, riisige Schlosspark, vellne Treppene ond ond super, spannende Sache. Mehr händ is grad welle of en heiweg mache,send aso bald scho bem Bahnhof gsi....chont em Tobi e senn er heigi Digicam em Schlosslädeli legge lo....logisch cheremer doch om...womer denn em Lädeli acho send macht er drocksacktäsche uf....ond siihe da digicam chont före....jo mer send ämu vell gloffe=).Em Zog hämmer is den sehr amüsiert met Em Tobi sim Gameboy....soo esch die Zog-fahrt schnäll verbii gange. Jetzt ässemer de räste vo de gestrige Pizza ziend is nomol en Dvd i ond gönd denn go pfuuse do Morn weder vollgas programm esch......=)

09.10.2007

...mmh Höt esches früh losgange händ zäme z'Mörgelet ond dennne semmer es britische Museum goge die Teracotta männdli aluege. Esch aso no cheibe spannend gsi .... s'het Mumie, Mönze, Moschle, Schmock, Indianerchleider....o.s.w. gah!! Also alles was dein Herz begeehrt. Aber en Museum Frönd werdi secher ned....=)Nach langem omelaufe ond omeluge semmer denne weder Dehei iidroffe ond jetzt semmer chli am fulentze, bes mer denn is Kino gönd go Ratatouille luege...of da freui mi mega......jo ond denn esch denn au de tag scho bald weder Gschecht.....

08.10.2007

....Soo höt beni also chli elei onderwägs.Do d'Amsle ond de Tobi ene Vergnüegispark gange send, was mer jo ned wörkli zuseit be minere Flogangst....=) Denn beni es paar Sache go erledige ond han wörkli dänkt dasi mech jetzt schochli uuskenne e dee big City....aber es sollte nicht so sein...und Meli verlief sich widereinmal 3Stunden....=)Tja hani scho weder en neue Teil eroberet en London...hihihi...s'dehei hani denn schlossäntli weder gfonde ond ben zemmli kabott gsi. Am Obe hämmer denne öpis feins chochet metenad ond is en Dvd iezoge ( Eragon) en lieblings Felm vom Tobi.....

07.10.2007

....So nachemene verherende Obe em Fridays met em Caroli ond em Meli beni denn doch mol ufgstande. Mer händs aso saumässig lostig gha....sehr vell lüt kenneglernt ond dor da natürlech s'englisch ufgfröscht....ond geili...starchi Drinks becho vom buebeli ade Bar.....=)
Jo denn dore Tag semmer in London ZOO...zersch semmer doren hammer schöne Park gloffe... met Rosegarte, Bröggli ond seeli aso eifach mega schön romantisch! Denn hämmer de Zoo gfonde....eschs mega grosses gelände....ond het aso grad ächli me Tier zom luege as be eus ide Schwiiz...a eim Ort eschmer doren Raupee gloffe....ond döt enne hets aller Art Schmetterlinge gha wo frei omergfloge send...wonderschön zom luege. Nachere chorze snak pause esches denn wiiter gange zo de Bäre, Gorillas, Aquarium u.s.w........
Ofem Heiwäg semmer met em Tobi nochli go Rugby spele...bes denn eusi Energie noglo het....
womer dihei acho send esch doch scho halbi sebni gsi! Euse Kino bsuech hämmer de au ofene andere Tag verschobe...well d'Jungs weder en matsch verfolget händ am achti ond ich nomol eis be go zie ond öppis be go ässe met min zwöi Ladys.....

06.10.2007

...sooo Höt isch de Göttibueb vor Amsle acho. De semmer met em grad ofene grossi schopping tuur gange ade Oxfort Street. Esch mega spannend gsi, was do alles för Gschäfter get womer vell Gäld cha lo legge. Mer händ den de Tobi schön iikleidet vo Chopf bes Fuess...ond esch mega schön gsi....d'Amsle esch halt scho en suoer Götti...
Am Obe esch Männerobe agseit.....es wert es Rugby-spel glueget....för mech heisst da i gange ed City met em Caroli ond em Meli en feine Drink go ne ond öpis go ässe .Morn esch denn weder voll Programm agseit....de Tobi het 7paar Socke öbercho ond e jedem esch es Zedeli, wo droffe stot wasmer am Tag mache.....super Idee...Morn gömer in Zoo ond den is Kino....freue mi druuf......

05.10.2007

.....Höt beni also nach Piccadilly Circus met de Underground Bahn. Das esch en Station womer eigentli alli Sehenswördigkeite vo det us chan go besechtige. Esch aso grad ächli cool gsi. Ben dor drüü wonderschöni Pärk gloffe wos ganz vell zutroulechi Eichhörnli het....mega sweet...den hanis London eye (Riiserad) aglueget wie au grad i der nöchi de Big Ben ond no ganz vell schöni Gebeude ond Statue. Esch aso herrlech gsi...leider sind mini Föteli ned so hammer worde, dos in London so mega sonnig esch.....=)(dorom dueni si au ned in Blog).....
Höt obe goni met de Amsle öpis leckers go ässe. Nochär luegemer mol was e de Pubs eso lauft. Morn chont jo de em sind Göttibueb för ne Woche ond denn wert die ganz ziit öpis spannends laufe...freue mi riisig druf....

04.10.2007

So gester Obe hani serst mol abgmacht för in Usgang.....esch aso mega super gsi.=) ben met einere fort wo au vo Seenge chont woni forhär ned kennt han!Sie esch ämu quasi nie dehei ide Schwiiz, do Si set 16ni ede Wältgschecht am omereise esch.
Mer sind ene Club namens China wild...oder so...es got ämu grad chli andersch ab wie be eus...scho nor met dene Outfits...voll uftacklet vo onde bes obe...wemmer ofs Wc got eschmer eigentli ned wörkli döte zom sis Gschäftli z'mache.....es het döte en riisigi Spiegelfront ond vor dra vo Make-up öber Hairspray o.s.w.....esch aso en mege kampf went gärn wetsch dini Händ go wäsche=)...sosch send d'Lüüt mega offe ond lieb ond lernsch chum stosch en Sekonde elei ome grad mega Lüüt kenne...was ich mega cool fende. De Obe het sech bes am halbi föifi am Morge dorezoge....s'beste dra: han genau 6pfund usge ond das esch för de Bus gsi=)....
Höt probieri mol of London City zgo...han mech ebe ede letschte zwe Täg zemmlech verlaufe ond dorom die Stross of London City ned gfonde=)....aller Anfang ist schwer...denn goni no schön go zässe poste, das de Platz em Küehlschrank au tiptop chan gnözt wärde....jo wämmer luege was de schön Tag no alles brengt.........

03.10.07 ....und gleich noch mein Badezimmer und die gute Stube

03.10.07 Mein Schlafzimmer :-)

02.10.2007 Alle sagen, ich brauche ein Blog

...und so soll es denn auch sein. Ab heute könnt ihr (hoffentlich) regelmässig über meine Abenteuer in der grossen Stadt auf der kleinen Insel lesen. Und ab und zu sicherlich auch mit einem kleinen "Farbföteli"