22.05.2008

Hello....aso i duene jetzt ächli Föteli ine...schriibe de es andersmol usfüehrlech....es esch ämu vo Sark ond de Fashionshow.....hihihi.....schmaaatzzz

11.05.2008

Hallihallo........ahh esch das herrlech das schöne Wätter!Han en mega cooli Woche gha!Mer händ nome drü Täg gschaffet do Bankholidays gsi send ond de Liberations Day am Friitig!Esch natürli dor da mega sträng gsi bem schaffe, aber super!Jo am Fritig hani jo min gross Tag gha met de Salsashow. Am halbi zwölfi hämmer is alli versammlet ond en stond lang tanzet met emene mega berüemte Ballroom Tänzer!Esch sochli en sozialstond gsi för alli Bsuecher wo chli händ welle neui Schrett lerne. Mega cool gsi. Händ natürli eusi Koreo au vorgfüehrt ond mega fun gha debii. Sesch emmer abwechsligswiis Salsamusic ond Ballroommusic gloffe. Mer het dlüüt chli müesse motiviere zom tanze, aber met de Ziit hets aso tiptop klappet. Jo nachdem semmer de chli omegloffe ond alli andere Vorfüehrige go aluege. De hämmer en chlini Snack Pause gmacht ond scho esches los gange zom nonol Probe för die rechtig Show...uiuiuiui esch chli abverheit aber das söll jo Glöck brenge.=) Am viertel vor vieri hämmer müess iistoh ond scho esches los gange. Soo cool mega vell Lüüt händ zuegluegt ond mer send met null Fehler abgange met gröstem fun! Nach eus esch de no en anderi Groppe dra cho ond de händ mer nomol en andere Uftrett zeigt,,,hihihi esch gad chli stress gsi met omzieh ond weder parat stoh....denn esches nomol mega abgange met eusem Salsa ond send zwe chlini Fehler passiert aber sösch esches super gsi ond alli händ mega klatschet. Wörkli mega s'Erlebnis gsi. Eigentli wäre mer de fertig gsi aber de händs eus nomol welle gseh...si händ de eifach es cools Salsa Lied abeglo ond mer händ wies grad cho esch tanzed ond sesch mega lostig gsi....jo ond denn send alli glöcklech gsi das alles so guet gloffe esch ond de hets en feine Kir Royal geh zom das fiire. Spöter semmer met de ganze cru es White D'ore go Znacht ässe ond händ en lostige Obe gha metenand. Am halbi elfi hets no es abschloss Füürwärch geh....uiuiui esch da bellig gsi...esch aso gar nüt gäge das woni ide Schwiizz kenne...aber si häns aso guet gmacht he!=)=)=)Denn beni nome no froh gsi go pfuuse do i am samstig han müess schaffe! De am Sa Obe beni met zwe fraue anes Konzert vomene Kolleg. Sesch aso wörkli mega super gsi ond esch abartig was die chönne....sesch för mi Gschmack eifach chli zlang gange!=)=)Aber cooli Music gsi!Höt beni de met de Carola be dem hammer Wätter an Strand gläge go sönnele. Händs mega lostig gha metenand ond händ zäme afo "Der kleine Prinz" läse.Esch jo es mega härzigs büechli!=) Spöter beni de weder Hei ond han chli ufgrumet im Huus ond de Balkon chli schön gmacht. De beni weder chli am sönnele gsi ond han eifach de Tag no gnosse!Jetzt hocki emmer no dosse met emene Cherzli ond schriibe de Blog ond sesch zähni ond no agnehm warm!=)=)Hihihih Morn goni de go Sommerschueh poste ond de hani vell zdue ide nechste zwe Woche met dere Hairshow woni es Model ben...freue mi aber riisig!also bes glii weder.....schmaaaaatttttzzzzz

06.05.2008

hallihallo alli metenand!Scho esch weder meh as en Woche verbii ond ich han mich weder gwönnt a mis Läbe do, nach dere wonderschöne Woche met Stefan,Däddy ond Beni! Bem schaffe esches sehr sträng gsi ond han ganz vell liebi Chonde döffe bediene!Denne hämmer die letstch Woche met de Tina zäme gläbt ond de isch si am Samstig uszoge ond het eres Zemmer zemmlech dräckig verlo.Muess ere de da no säge!Jo ond jetzt zieht denne en 21 jährigi Portugisin i wo be eus d'Lehr afot.I gläbe si esch no en cooli ond esch schön es neus wieblechs wäse döffe ha womer bem potze helft ond vellecht au chli es Partyfödle isch!Luegemer mol!=) Jo de esch am Weekend es mega,hammergeils Open-air gsi en Guernsey!I säge nome vool cool!=)=) Zwar hani ke einzigi Band kennt aber esch super Musig gsi!Es het en Live-band Track gha ond es Zelt wo mega bekannti DJ's gspelt händ.....suuuuuper!Send natürli emmer chli hin ond här ond händ en riise Party gha!Han sooo vell Lüüt kennt dete wos das ganze nomol chli besser gmacht het!Esch aso voll los gange vom Samstig bes am Sonntigobe!Herrlech!Jo am elfi esch den ame alles fertig gsi ond mer send id Stadt glofe go wiiter fiire!=)sesch aso onglaublech wie vell Securitas das die agstellt händ döte...gläub me dere as Gäst!=)Easy esch alles fredlech gsi!Aber jedes mol wemmer gschwend os dem Areal use esch het mer we dorne Passkontrolle müesse wo di Securitas eim sganze Täschli osenandgno hend ond is abtascht vo obe bes onde!Esch halt Guernsey!Jojo aber esch es mega Erläbnis gsi!Ond ben froh gsi de ganz Mentig nome dihei shi ond omefule!Denne hämmer Höt au no Frei gha do Bankholidays send!Herrlechs Wätter ond de Josef het em Luki ond mer 20pfond ge zom go zmettag ässe!Das hämmer de au gmacht ond send em Square go Sushi ässe!mmmhhh!Nachdem beni in Saveway go poste ond han 6 zweliter Fläsche Wasser ond no vell anders iikauft!Han den es Taxi bstellt wells sehr onmöglech gsi esch met dem Züg Heizlaufe!Doch was passiert das blöde Taxi chonnt ned ond die nächste wo frei wäre müessti 2Stond warte!hm super!Hani mol Kolleg aglüte doch de esch ned gad omewäg gsi ond de hani dänkt jo de probieris mol met laufe...chum beni chli gloffe veriissts mer doch di verdammte Säck ond alles rogelet d'Stross dorab wo Auto fahre...hihihi...de beni wenes huen dene nochegseklet ond han de föif Fläsche chönne rette!=)Het jo niemer blöd gluegt!=)De het mer eini es Sack geh ond hans nomol probiert...sihe da jetzt händ doch di sieche scho weder gresse ond damol sen alli onder de fahrende Autos döre!=)Da cha nome mehr passiere oder!=)Guet weder alles zämegsammlet ond de haltet eini a woni grad sofort gfrogt ha öbsi mi cha metnä!Si het glachet do si alles metbecho het ond mer mega fröntli en Lift ge zo mer hei!uiui ben soo froh gsi!!Jo de beni usgstege on vor de IIgangtööre gstande ond mini Säck hends weder nöme möge ushalte...aso esch alles schön verteilt vor de Töre gläge!Nach dem ganze erger beni de schön id d'Sonne ghocket han afo es buech läse ond met em mami mega lang telefoniert!herrlech gsi!Jo ond jetzt bliibi Dihei ond morn gots weder los met schaffe.....tschüüüüüüüüüüüüüüüüsssssssssssss