02.12.2008

Soo minin liebe händer s'zwöite Törli scho ufgmacht bem Kalender???=)=) Also ich han höt met Em Josef gredet..ert esch för freu grad a mie uegompet ond het mi ab gschmötzled weller en riise freud het dasi no bliibe. Han em denn aber eifach gseit wani fordere vo Körs ond so ond er esch sehr begeisteret ond duet mech gärn nochli onderstötze!!!=)=) Esch schön eso aber ich luege glich näbebii no för öppis neus. Aber soo chani mis Läbe chli gnüsse do i jo guet verdiene ond gnue frei bechome zom go omereise..hähähä dasch super!=)=)hihihi jo das wärs eigentlil scho!Mälde mi de weder nach mim coole weekend...do hani no es Föteli vo mim neue mega härzige Teechändli ond Tassli...=)=)=)schmmmmaaaattttzzzz

27.11.2008

hallihallo...sooo be mer esch weder vell los..alles esch scho fäng in Wiehnachststemmig ond öberall vell Dekoratione!!!Herrlech!! Em Josef gots glaub au scho weder besser do er am Dienstag en London gsi esch ond wenn ichs rechtig ghört han het sini Behandling halbwägs gwerkt was sehr positiv esch!!!Jo bem schaffe werds langsam au mega sträg was super esch.Es esch au wonderschön wiemer em momänt Lüüt be eus dihei händ...esch sooo geil chum chonsch hei lüütet s'telefon be allene ond Kollege froge zom verbii cho...esch mega..fasch jede obe höckle mer ide chochi ond mer händ uu mega lostig!!Denne esch am Samstig Santa Claus day do ond sgeht weder en riisige parade am Obe ide Stadt was secher cool werd!De am gliche obe macht en kollegin vom Josef sinere Tochter en "Juhui i ben nöme Schwanger- Party" ond alli werde sech dete träffe be super band music ond chli ztrenke!=)=)werd secher lostig. Jo am Mentig mueni de chli go Gschänkli poste för alli mini liebe. Freue mi druuf!=)=) Em Momänt warti emmer no of es Telefon vo Italie...das het mer aso mis Läbe schochli schwer gmacht ide letschte paar woche. Han aber ziit gha zom öberlege ond ben ofe entschloss cho, dasi nochli en Guernsey bliibe aber velli Körs werde bsueche ond chli reisli plane..do i eifach andersch gnue han em momänt ond weder öppis neus muess go be mer...luge aber gliich ziitig för en Job ergendwo ide Ferni!=)=)Jo ich hoffe das ich denne ziit fende morn oder am Samstig met Josef ond Martin zrede..do die jo no gar nüt wösse vo all dem was passiert esch!Es chonnt jo emmer alles so wies muess..nedwohr he!=)=)Am 6. dez esch de euse staff dinner womer eus alli scho riisig druf freue!Jo ond de esch no sooo vell los besi Heichome was eigentli mega mega cool esch...well de lauft ziit so schnell ond ich setze im Flogi rechtig Hei...juhui...soo i duen jetzt nochli Föteli ine fo eusere kabotte duschi ond verschedene partys ond soo...aso bes glii weder..ciao ciao tanti baci

10.11.2008

d'lucy nach Englang för en Woche...hoffe es duet ere guet!=)=)Freue mi de aber scho weder wenn si zrogg chonnt. Jo Am Samstig händ mer en Salsa party gha was mega cool gsi esch ond mer bes in Morge ine tanzet händ!=) Nachdem send Carola ond ich am Sonntig go de Spa- Guertschiin iilöse....ahhh esch das herrlech gsi. Zersch semmer im Sprudelbad ghöcklet ond händ mega vell zom rede gha....denne isches in Relaxing-room gange womer en Tee ond en O-saft gnosse händ=)Nachdem send is zwe Ladies cho hole ond jede isch emene seperate room gsi. Wow denne hets en hammer Röggemassage ge....esch aso mega gsi!=)after en Manicure,,,esch schön gsi zom gseh wies öpper anders macht aber i wörds nie me mache döte=)ond denne hanich en wash and blowdry becho...hihihi jo sesch ebe ame intressat wemer mol anders gseht....nedwohr je!=)=)Muen aber säge sesch en mega schöne Tag gsi zom erhole ond mega cool för mech zom gseh wie ander Lüüt schaffe ofem gliche Bruef!=)=)=)Spöter hämmer is de weder im Relaxingroom droffe nomol es Teeli dronke ond de semmer öppis go ässe!Am 7bni Zobe beni de weder dihei gsi ond grad go schlofe....dos am Obe vorher ned so vell ge het zom pfuuse. De beni Höt am 9ni uf go schwemme ond jetzt potzi gschnä en Rondi ond de treffi Josef ond Martin zom Lunch!Schriibe denne gliii weder was alles passiert esch....aso en schöne Tag wönschi euch allne....uiui ond ich freue mi riiiiisiiiig zo heicho hihihi sgot jo nor no 6 Woche juhui....xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

27.10.2008

Soo mini liebe ich ben jetzt sed em Morge am drüü onderwägs....ben en Genoa acho ond han mol gwartet...typisch die Italiener send halt emmer zspot!=)Denn plötzli chonnt so eine mega lachen of mi zue...ond frogt mi öb ich Melanie heisse...uiuiui beni froh gsi het das doch no klappet!Das esch de Chef vom Salon. Nino heisst er!=)Jo er het mich denne chli omegfahre ond swechtigste zeigt onderanderem au s'Gschäft...wow das esch jo de absoluti hammer!Jo de het er mi zom Hotel gfüehrt ond alles esch eifach wonderschön!Die send so fröntli das hätti nie dänkt!=)De beni elei chli go erkontschafte...han mi natürli wies au so esch es paar mol verloffe ond de wäri au fasch no em falsche Zog hocke blebe=)han aber denne alles gmeisteret ond ben weder zrog e mis wonderschöne Zemmer cho...Spöter het mer de Nino aglüte ond gfrogt wasi zom z'Nacht wetti ässe...han aber gseit ich heig scho öppis gha aber es glas wii wer no cool nach somene lange Tag. De nachere halb stond stoht er för de Töre met emene Sack voll Wii, Wasser, Milch, Kellogs....sooo lieb hey!De hämmer natürli grad eis tronke ond ächli probiert rede öber mini Karriere!=)=)hihihi esch halt no schwerig wemmer s'Italienisch scho lang nöme brucht het!=)De Lütets nomol a minere Töre ond eine vo Biosthetik italie stoht dete...han en natürli grad iegno ond de hämmer alli zäme es glas Wii gha ond metenand gret...mega lostig gsi!So nachemene ziitli sends de aber gange go Fuessball luege...cheibe wechtig!=)ond de mache mer Morn Obe öppis!!!Aso sesch mega schön ond alli send eso nett ond luge för mi...hätti nie erwarte...hihihi aber Morn fots jo de rechtig a weni afo schaffe. Jetzt luegi nochli Tv ond de schlofi en rondi dasi morn pronto ben he...allora ciao a tutti molti baci.......

19.10.2008

Hallihallo....i weiss han scho lang nüt me lo ghöre vo mer....aber händ jo kei Internet gha ond ich han natürli weder sooo vell Sache döffe erläbe. Ben letschts Weekend met em erste Flüger am morge am 7ni nach London greisst ond han eis vo mine geilste weekends e mim Läbe döffe erläbe. Colleen esch mi en Victoria cho abhole. Mer send zersch zo ere hei go mis Gepäck ablade ond denn esches los gange go shoppe....sooo geil ben s'erst mol em Preimarkt gsi oder so. Dasch andersch gönstig dete, het aber au demensprächend Lüüüt ond zom di go omzie enere Kabine chasch grad ganz vergässe. =)=)hihihi esch es mega Erläbnis...ond ich han doch zwe volli Tragtäsche hei gno ond mega wenig Gäld för da lo legge....super gsi!=)=) De semmer nochli en london omegloffe ond händ is uu velll zverzelle gha ond was mer eis glachet händ...han aso grad chli es six-päck becho=). Weder be ere dehei hämmer öppis feins zom znacht chochet ond denne chli afo Wii drenke ond is parat mache för en Usgang...es send de au es paar Lüüt around cho ond mer händ scho en riisigi Party gha. So am 10ni semmer of trämmli ond rechtig trouble gfahre!=)=)Send en mega vell Lokal gsi zom neus züg gseh, het is den aber doch ned passt ond mer send wie emmer nach Leicster square ond häns voll lo krache!Ahhh sooo super. Am morge am 5i esch denn alles fertig gsi ond mer send schön go pfuuse. Am Sonntigmorge uf ond nach Brighton greist. Wow das esch en Stadt i säge euch. Han mi mega verliebt i de Ort....i chas eigentli gar ned beschriebe wie esch...soo cooli Lüüt ond eifach wonderschöni Plätz wie am Strad oder ede chline Gässli...esch absolutly amazing!Mer händs natürli weder sou messig lostig gha ond send de ganz Nomitag be Bandmusic am Strand gsi ond händs mega gnosse.wow!Am Obe semmer weder nach London zrogg ond en riisigi Pizza go ässe...mega lecker gsi. Mer händ jo so honger gha well mer gar nüt gässse händ. Leider esch denn eusi müedigket chli vöre cho vor letschte nacht ond mer send so am 12 go pfuuse. Am Mentig semmer deför früe uf ond händ de Tag nomol so rechtig gnosse zäme.Sesch eifach so mega schön gsi ond ich han e mim läbe scho lang nöme so vell glachet wie a dem weekend. Jo ben am Obe weder nach Guernsey greisst ond zwe Fröndine send mi cho abhole ond met emene Plakat: Welcome home Meli. döte gstande... mega sweet, die händ mech mega vermesst.=) Jo de het d'Woche weder agfange ond di ziit esch weder eifach grasst. Am Mettwoch obe semer en Band go lose ond esch cool gsi. Denne am Friitig send de Luki ond ich ane Fashion show go Make-up ond Frisure mache....was au es mega Erläbnis gsi esch...händs de so lostig gha das mer met es paar no id stadt send go party mache!Ui esch de chli früeh gsi woni am Samstig han müess uf go schaffe. Han de Tag aber tiptop öberstande ond mich denne müess ufstyle för am Obe ad Salsa-Party zgo. Wow das esch jo en Obe gsi. Zersch hets mega feins àsse ge ond de send verschedeni chlini Uftrett gsi onderanderem au eusi...ond alles esch super gange. Nachdem händ eifach alli schön tanzet ond sesch so super gsi. UIUI Han so gar metemene Profi vo England tanzet ond sesch hammer gsi. Mer händ eifach tanzed ond tanzed ond soo en schöne Obe gha...uiui esch onglaublech was ich alles döf erläbe!Ben de aber soo froh gsi dasi de Hei ben go schlofe ond Höt ufgwachet be Sonneschin. Mer send de met Josef,Martin Carola Jemie ond Luki em Beachcafi go fein ässe ond händ das schöne Wätter gnosse. Jetzt gangi de gard met de carola an Cobo go chli fulenze...sii gseht aber grad chli müed us ond liit mega lostig of mim Bett,....=)=)wenni de weder zrogg chome gets de au no Föteli....also han eusch alli lieb.....scchhhhhhmmmmaaaatttzzzz

05.10.2008

Hallihallo.....han weder mol ke Internet ond jetzt hocki wie früener im Fenster ond stele ächli vomene andere abieter!hihihhi! Jo so vell esch weder passiert ond die Ziit rasst devo wie nüt! Bem schaffe merkt mer das d'Lüüt ned so vell kohle händ em momänt dorom esches ächli ruihger. Esch aber no schön well gli chert das weder ond mer wärde schwetzte!=)Jo denne beni so blöd vercheltet gsi ond sesch emmer noni ganz weg ond sesch huere müesam!Em Josef gots au mega beschesse. Er het zwe Täg ned gschaffet well si en onder Morphium gsetzt hend dos em rechtig trurig got!Sesch mega schwerig met dere Situation omzgo ond es duet mer sooo mega wehh weni d'Martin gsene brüele.Esch mega hert. Jetzt gots em aber weder chli besser ond er esch scho weder am Wetzli risse!=)Denne esch öppis ganz cool passiert...es neus Chleidergschäft esch ufgange ond es het gheisse das die erste 25 Lüüt es gratis outfit bechöme wensi ede Onderwösch oder Bandchleider chöme!Hähähä. Das hämmer eus natürli nor einisch lo säge!=) De esches so wiit gsi am Donnstig am 12.oo Het is d'martin Lunch geh ond de send Luki, lucy ond ich ede Onderwösch uftrette ond händ is es schöns Chleidigs Stöck ganglet. Esch so lostig gsi was do alles för Lüüt gsi send. Aber natürli d'Locals het mer niene gseh die händ nor es grosse mul gha ond send ned cho. Send aso alli Osländer dete gsi wo ebe chli lostigi sache mache!=) Jo denne hani au velli schöni öbe met mine Kollege döffe verbrenge ond sesch eifach super gsi ade Weekends oder be eus dihei ide Chochi. Hihi gester Obe hämmer en dinner gha im Whit d'ore mmmhh...ofem Wäg döt häre hani es gäls quitschiäntli gfonde ond grette forem Räge. Es het de de ganz Obe döffe metcho ond het met allne müess of d'Föteli. Hihih mega lostig gsi. Jo Höt hani de potzt ben chli zo de Carola ond han ere Kollegin d'Hoor gschnette. Jetzt gömmer de grad is Kino go Mamma mia luege. Freue mi riisig. Morn hämmer en kurs em gschäft öber Hut mol luge wie das wert!=) Also duen de no Belder ine weni weder Dihei ben....tschüüüüssss

17.09.2008

Grüezi wohl..hei was be mer alles passiert. Guet letscht Woche chomi es sms öber vo minere ehemalige chefin. Sie schriibt, das en Biosthetiquer en Genua öpper suecht ond ich mech be em sofort söll mälde!Ben natürli vor freud fasch usgflippt ond sesch soooo mega lieb vo ere das si sesch so för mech iisetzt....das esch mega!Jo denne beni chli narvös gsi nedwor ond han mol of Italie aglüte. Hihihi han den probiert mis italienisch uszpack...hähähä han mi denn aber chli ide Wörter vererrt ond de esch die Sach tiptop of englisch gange!=)Tja....Nach drüü Telefonat benich jetzt eso wiit dasich endi Oktober schnell det häre flüge ond drüü Täg go go schaffe. So das alli sech es Beld chöne mache öbs wörd passe zom dete em nächste Johr schaffe!!UIUIU ben aso chli nervös zom dete häre go aber sesch mega ufregend weder öpis neus id Händ zne!Jo gsämer jo gli was os mer wert ir zuekonft!=)=)=)Mhhh....dene hani es schöns weekend gha. Am samstig semmer us ond händ en heure coole Obe gha. Sooo geil han denn nochli Lüüt droffe woni e mine afäng in Guernsey kenneglert han (Die sen de ebe au chli go reise) ond de hani met denne bes am Morge am Föifi e sou glatte Obe gha ond soo vell zverzelle...sooo cool gsi!=)Am Sonntig morge am sebni hani de aber scho weder müess parat si. Ui nach zwe stond schlofe...Han ide Carola es Make up ond friise müesse mache ond denne semmer an Floghafe ond si het dete es Fotoshooting gha!Wow mer zwöi dete met dem Super Fotograph soo es geils Erläbnis gsi!Er het mech denne au agfrogt zom Make-up ond hairstyle mache wenner mi brucht. Huere cool ned!Mer send denn aschlüssend ane schöne Beach met em ond händ es Teeli tronke. Spöter esches no zo em Hei gang ond er het is some Lunch kochet!Hey i säge euch das Huus esch jo voll de hammer duen de es paar Föteli ine...halt en rechtige Könstler!Hihihi ben natürli voll müed gsi ond han mi denn be dem schöne Wätter chli häre gleit ond mer händs eifach alli schön gha metenand!Am one beni de weder us met Luki, Lucy, Jamie ond de Joe ond mer händ en super Obe gha!Ben de spöter met dene Jungs nochli ad Kiffs ond mer händ die ganz nacht dete verbrocht met Portwii ond lostige Gschechtli!Jo denne semmer am morge am 8ti id Stadtgloffe ond händ no es Kafi tronke metenand!Denne esches oms tschüüsss säge gange do de Joe ad Uni nach england got....mhhh esch schochli härzbrächend do mer halt vell metenand erläbt het!Jo ond de hani de ganz Mentig gschlofe ond am obe go Tanze!Ui ond de am ziistig Morge esch de Woodfordflat mega truurig go schaffe!Do de Luki jo soo verliebt esch aber sis Freulein abgreisst esch....d'Luscy voll liebschommer het...ond ich ben eiach chli müed gsi ond chli truurig do so en liebe kolleg abgreisst esch!Jojoj aber Höt gseht scho weder alles andersch us!=)=)soo jetzt dueni chli Föteli ine ond de mäldi mi gli weder!schmmmaaaatttzzz