Aso da wäre ebe Föteli vom Gebori met de Tina ond erer fröndin, Lui ond Carola. Di obere send vom lunch natali, rahel, victoria ond de no es faky Föteli met natali ond luki wo sötte Martin ond Josef darstelle...=)=)=)=)=)=)..............

31.01.2008

Helloo...so höt esch de letscht Tag em Januar...herrlech..!!!Mer händ aso Gester de ofiziell 20. birthday vom Luki gfiiret. Ich han am Morge chli Ballöön ufghängkt ond scones met Cherzli ond eis gad zom ässe heregstellt. Em Gschäft esch denn schön ztue gsi. Plötzli chonnt öper ine metemene normale Papiersack wo s'Label vo Mc druf kläppt esch.Hihihi er het denne vo de Chondin wäg döffe go de warm Burger spiise. Esch natürli ned en ächte mc Burger gsi. Er weiss bes jetzt noni vo wem daser esch...s'heisst seig vonere blonde Frau...mmmhhh! Nachem schaffe semmer denn schnell Hei eus go parat mache ond denne esches ab en es mega feins,tüürs ond superschöns Restaurante gange. Händ aso wörkli ganz fein gspese ond lostigi Onterhaltige gha. Spöter esches de no is Laska gange ond het denn es paar Drinks duuret. Jo ond Höt esches vell zfrüeh Morge gsi ond fasch gar nüt ztue em Gschäft. Denn semmer doch zföifte höch go z'Mettag ässe ond händ es mega fest gha. De Tag esch aber erstundlecherwiis schnäll verbii gsi. Jetzt beni Dihei han chli gamet ond mache nöme vell gschiits.....aso tschüüüüsssss

28.01.2008

Höt esches nach Jersey gange. Met de Fähre semmer ca. 55min gfahre. Esch mega cool gsi Verosse d'stoh ond shet eim fasch devogwended. S'erste womer natürli gmacht händ, esch in Mc...mmmhh esch aso lecker gsi. Denn hani welle go shoppe ond shet mega vell schöni Läde gha. Doch han ergendwien eifach nüt gfonde.Tja....D'Stadt vo Guernsey gseht ähndlech us wie d'Altstadt vo Zöri....esch aso mega härzig ond met schöne,alte Gebäude. Gseh hämmer aber eigentli nor d'Stadt ond de Harbour. Bruche de mol es ganzes weekend zom chli omfräse. Zom abschloss esches de natürli nomol en Mc das de Luki befrediget gsi esch...er het de nomol es paar Burger inedröckt! Jo de esches schoweder losgange ofd Fähri. Hammer schön...sesch donkel gsi mer verosse ond händ sganze Liechtermeer vo Jersey gseh. Debii het eim d'Hoor ome Chopf gwendet ond sesch sochli Wellnesmusic gloffe....aso huere gmüetlechi Stemmig. Send de weder acho ond Hei. Mer händ de zom abschloss no es Gläsli Rotwii dronke ond jetzt semmer nochli am game ond de gots de glii is Bett....Tschüüüüsssss!!!!!!!!!!!!!!!¨¨

28.01.2008

28.01.08

halloooo.....Es hammer geils weekend esch verbii.Agfange hets metem Samstig Obe.Send en super groppe gsi be eus Diheime ond händ en riise Party gha!De Chochi-floor esch zomene Taanzfloor worde ond so lostig gsi.S'händ natürli alli chli gnue tronke gha ond dorda hets di einte oder andere,sehr lostige zwöschefäll ge. Spöter semmer de no id Stadt go di letscht Stond abtanze ond de eifach nomeno es Bett. Am Sonntig esch denn zersch chli Katerstemmig gsi.S'wonderschöne Wätter het aber gholfe dases schnell verbii got.Han de aso ofem Balkon be mega warmem Wätter zmörgelet...het au no en ander grond gha....uiui d'Chochi het jo driigseh. De Bode esch eifach nomeno schwarz gsi ond alles öberstellt met Gläser, Fläschene ond usglerter War.=)Halt das übliche.=)Het sesch denn aber schnäll lo potze lo ond de eschs as dinner vorbereite gange. Han mi riisig gfreut mol so rechtig geil choche...esch natürli alles zemmli serstemol e mim läbe woni gmacht ha...zor Vorspiis het es Lachstartar ge met emene gmeste Salötli ond Toastbrot. Denne en Seabass ofemene Gmüesriis anere Safransauce.....esch aso mega lecker use cho. Han aber leider vergässe alles z'Fötele=(. Derzue hets natürli en super feine Wii ge. För s'Dessert wer eigentli de Josef verantwortli gsi...hets de aber promt vergässe..hihihi!=)jo ond de esch au de Obe verbii gsi.

25.01.2008

Helloooo everybody.....soo ond scho esch glii weder weekend be eus. Esch en mega cooli Woche gsi. Zwar esch martine ( Chefin) relativ gstesst gsi aber da hets nochli amüsanter gmacht.=) Han zom Teil ä huere närvigi Chonde gha wos gfüehl gha hend ,bevor i scho nor agfange ha öpis zmache a ene, müends mer erklähre wieni am beste schaffe chönnt....uuuu da regt mi ame grausam uf...aber ebe. De hani verdammt vell ufesteckfrisene gmacht do so en riisige Sportgala-Ivent gsi esch. s'Coole esch aber das mini Frisene de em Färnseh cho send...=)=)=)Jo den het de Luki amene Obe mol sin Geborichueche usteschtet (Rüblichueche).Esch aso tatsächli super usecho, ned so wie min Schoggichueche wo usgseh het wiene Emmetaler.=)Get de es Föteli vo demm.Guet ond de höt Obe semmer alli Getränk go poste förd Party morn ond alli Frässalie för am Sonntig. Ok händ de mol es Wägeli packt ond afo völle met allem wasmer so brucht förnes Festli...womer de so ade Kasse gstande send...esch eus aso gad chli chalt de Rögge dorab wamer do öberhaupt müend heischleicke...mmmhhh...denn chont mer doch die blähnden Idee...werom lehne mer ned eifach das Wägeli us ond brenges denne bem nächste Ichauf zrog. Gesagt...getan..=)=)uiuiuiuiui händ is alli Lüüt böös agluegt womer met dem heigloffe send...mer händs aber natürli soumessig lostig gfonde.=)=)Sguete dra; mer händ jetzt gad no en extra chüeler för alles Getränk ofem Balkon...doses au secher ned chan fortwende....hihihi eusi Metbewohneri Tina hets aso fasch chli de schlag droffe wo si da Wägeli gseh het ide chochi....händ de aber lostigi Stotrys dröber gmacht.....Joo ond jetzt hoffemer das get en coole Obe morn. Due de aso Föteli drii natürli au vom Ässe am Sonntig ond vo Jersey am Mentig.....asooo tschüüüüssss

21.01.2008

Hallihallo......Am 10ni esches los gange.Mer send em Saveway go staff för em Luki sini Rüeblitorte poste ond züg zom de Chüelschrank fölle onderanderem natürli au euse geliebte Ice Tea. Nochäne semmer rechtig Harbour-office gloffe zom eusi Fähre nach Jersey buche. Händ en cheibe freud gha so gschwede eifach of Jersey zgo. Leider het is de die Chue vom Büro gseit, das jetzt d'Fahrt glöscht worde esch. Schiints seigs andersch störmig ofem Meer. Oke....semmer gad chli apisst gsi...denn chonnt eus doch die bländend Idee, werom gömer ned eifach metem Flüger?? Esch de aso au schnäll id Hose. Well mer hätte de genau 1Stond ide Stadt chönne verbrenge ond das lont sech jo ned wörkli....Tja mer probieres am nechste Mentig nomol.=) nach dene Entüüschige het de Luki welle go en Nintendo Wii poste. Het sech de au sehr schnell lo mache. Aber mer hätte natürli no en zwöite stick wölle das mer gägenenand chöne game. Nach drüü Stond omerseckle hämmer emmer no ke so eine gha, do scho alli usverchaft gsi send. Tja esch jo ke Tragödie.=) Mer händ is de ofe Heiwäg gmacht. Zersch hets de mol öppis leckers z'Ässe ge ond denn eschs as installiere gange. Juhu het alles tiptop klappet. Jo ond jetzt semmer scho sed es paar Stond am game...do chonnt mer jo rechtig z'schwetze!!Aber esche huere geili Sach. Mer chan do sogar d'Speler sälber kreiere ond si sehr ändlech of Persone abstemme. Hihihi...händ aso en Lucas,s'Meli,Luis,Tina,Stefan,d'Sabrina,d'Martine ond de Josef...es gset so lostig us ond mer erkennt si genau!=)Es het Tennis, Golf, Bouwling, Baseball, Boxe...äntwäder macht mer gad en Match oder de hets cooli Trainings möglechkeite. Eimol em Tag gets es Fitness Programm wo alles schön messt ond so!!Onderanderem werd au s'Alter bestomme
we Fit dasmer esch....mer send em Momänte zwösch 75 ond 80 Johr...=)=)=)=)=)chöne jo nochli üebe.hihihihi. Soo ond jetzt lugemer no en Dvd ond denn gots es Bett...Di neu Woche stot schoweder for de Töre.Tschüüüüüüüüssssss!!!!!!

Das wär aso vom Samstig Obe. De Buebeli do met em grüene Chopf het es Tatoo ond Pircing Studio do. Er esch am ganze Körper schwarz tätowiert aso jetzt met de ziit esches grüen worde ond het verdammti löcher ide Ohre...Wääääää....aber eschen nette...=)=)Di ander blond esch d'Rahel vom Gschäft ond deses send so Kolleginne......Ajo de Luki het mol sfeeling vo Bröst ustestet...=)=)=)

20.01.2008

Soo en Woche esch scho weder ome gang. Euses Fondüüässe do am Mentig esch aso ganz super gsi. Händ en mega lostige Obe gha met de Shirley ond em Steve. Händ öber vell lostigi Sache gschnöret ond öber es paar Sache vom Gschäft chöne dikutiere. Esch wörkli cool gsi. De semmer es Fensternischeli go Föteli zeige vo de Schwiiz ond händ de aschlüssen bes am zwölfi nochli Wii dronke. De hämmer mol müesse höre do jo am Dienstag weder schaffe agseit gsi esch. Em Gschäft esch mega ztue gsi ab metti Woche. Dasch ame herrlech zom wösse am Obe wamer gmacht het dore Tag.Denne hät jo eigentli slegale Internet sölle fonktioniere abem Donnstig aber shet eifach ned welle go....es brucht ächli ziit of dem enseli....hoffe aber sklappet gli dos fäng huere ombequem esch a den doofe Fänster zhocke. Ah jo ond de beni no go Hotel resevatione mache för all de Bsuech wo gli einisch chonnt. Freue mi andersch druf. De lauft äntli chli me. Em momänt esch wörkli ned so vell los. Do vell de ganz januar Dihei bliibe ond derzue sWätter au ned gad de hammer esch. Dorom freue mi riisig ofe Früehlig ond Sommer wenn Turis chöme ond me Partys het ond mer de eifach geil cha alli Insle go bereise..Mer händ denn gad beschlosse dasmer Morn of Jersey chönnte. Fahre am halbi zwöi met em Böötli ab ond send för es paar Stond dete. Denn cha de Luki äntli wedermol en Mc Donalds. Sescher esches au geil zom shoppe ond chli d'Ensle aluege. Werd secher mega lostig. Gester semmer de natürli glich no fort gange ned wie di langwilige lüüt do!=) Ben zwar au ned gad mega motiviert gsi. Send de aber ofene gueti idee cho damser ofem Wäg id Stadt i jedem Pub ahalte ond eis nänd. Send aso doch no es paar gsi=)...händ de es paar lostigi Lüüt droffe ond send met dene wiiter zoge bes mer denn as letschts emene Club no voll send go absake e eusem sehr sehr guete Zuestand.
Höt beni de ned ganz so zwäg gsi ond han eifach afo sganze Huus botze bes mer weder tiptop gsi esch. Zom znacht hets feine Chines ge ond de luegemer ergen no en Felm. Jetzt hani nochli Föteli ond morn chöme de au no vo Jersey......

14.01.2008

Hallihallo soo ond scho esch weder en Woche verbii. Mer händ en super busy week gha bem schaffe. Met sehr vell Chonde vo sech total händ welle verändere em neue Johr. Esch hammer gsi mol mini Kreativität lo walte. Deför het s'Wätter ned ganz eso welle metmache. Het mega vell grägnet aber sesch deför scho vell wärmer worde of dere Insle. Jo de beni es paar mol is Fitness go chli schwetze ond Lüüt beobachte. Esch ame lostig was för Hongerhöge sech gönd go eis abchrampfe!=)0)0)Denn mache mer jetzt ame emmer am Mettwochobe en Schwiizerobe. Met Luki, Pilipa ond ich. Zersch pläuderle mer chli en Scswiizerdüütsch ond denne luege mer Total Birgit met Ice Tea ond chips!!Funny!Am Samstig esch denn chlii öpis truurigs passiert. S'büsi vo de Martin händs müess go iischlöfere dos chrank gsi esch. Ond sesch jo esrsch es paar Woche alt gsi. Händ si denn mega müesse dröste ond send denn gli of anderei lostigi Themene cho wo si weder chli motiviert het. Jo am Obe händ mer denn met es paar Lüüt abgmacht. Die send denne alli zersch zo eus Hei cho zomene Drink. S'Het sech denn sehr schnäll usegschtellt das de Frönd vo dere einte en mega doofe esch. Nei s'Problem esch jo daser eigentli mega gschiit esch sech eifach sou domm verhaltet ond aber meint esch seig super!=) Mer händ is ämu mega chönne amüsiere ab em!!!hihihi!! Mer händ denn voll Clubtour gmacht ond händ es riise Fescht gha bes am Morge früeh. Denn send alli froh gsi eifach nome go schlofe. Das het sech denn döre ganz Sonntig zoge. Esch super gsi eifach chli omefule. Han denn no öppis feins chochet on de Hämmer chli en Tv iegluegt! Höt gangi go food poste do mer zwöi Lüüt iiglade händ zom Fondüüüü ässe....hoffe das wert lecker...get denn bestemmt lostigi Föteli....aso bes bals weder hee.....

nochli me Föteli