02.12.2007

sooo hallihallo...endlech hani wedermol internetmöglechkeit gfonde enere Bar. Han aber abem Januar Internet diheih ond de chani weder fliessig brechte. Jo aso be mer esch alles wonderbar. Han wörkli ganz vell liebi Lüüt kenneglernt bem schaffe ond im Usgang.Em Gschäft gots jetzt langsam los met em stess about de Wiehnacht. Dasch aber ganz guet wenns rechtig lauft. de Josef ond Martine (Chefe) händ riisig freud a mer ond a mim wösse vo de Produkt ond so. Han scho vell chöne metteile ond ad Chonde brenge. Dasch mega cool. ond mis Trenkgäld esch dor da au emmer no besser.=) E de Wohnig esches au super. Händ ame mega schöni Öbe metenand womer eifach chli lere blöd schnöre of alli Sproche. am 22.12. machemer de en Chrismas flat dinner ond aschlüssend en home Party...da werd secher mega lostig. Jo ond Gester het en Guernsey dWiehnacht so rechtig fiirlech agfange. Esch en mega Party ede City gsi met Chend wo gsonge händ, Stemmigsmacher ond sösch no so Sänger. Am sächsi esch denn de Samichlaus cho met sine velle hälfer.d' Stadt het gjublet as wär ergen en Robbi Williams idroffe. Tja sesch ämu no cheibe amüsant gsi.=) nach dem ganze trouble esch denn euse Gschäftsässe losgange. Schön dresst semmer enens mega feins Restaurant go usgezeichnet ässe ond usgebig Wii trenke. Wonderschön ond saumässig lostig gsi. Am Mentig goni de met em Josef be einere go Wiehnachtsbelüchtig aluege. Die het en riisige mega Garte wo sie alles so speziell dekoriert het. Dasch secher au mega schön. Jo ond jetzt dueni nochli Föteli dri dasch nochli spannender för euch. Vermesse ämu alli ond wönsche allne en schöni Adventsziit...see you