25.03.2008

Grüezi zäme...soo ich hoffe händ alli schöni Ostere gha ond vell schoggi gfrässe...=)=)be mer flügt ziit grausam schnell ond dorom vergesi ame min Blog ofem laufende zhalte. Aber eigentli esch emmer chli sgliche wo be mer lauft. Aso i gange go Salsa tanze, schaffe, potzte ond natürli en Usgang. S'macht mer emmer alles no mega vell freud ond i gnüsse mini Ziit rechtig. Vellecht machi jetzt sogar am liberation day em May metere Salsagroppe en Uffüehrig...uiui da wär huere cool! Denne het mi Natali vom Gschäft gfrogt öb ich ene benere Hairshow wörd hälfe so met Make-up, dress ond Frisure ond näbebi au no es Model ben...han natürli zuegseit. Da werd secher en cooli Erfahrig ond ich chan dene au vell Idee brenge was ich so weiss vo mine Lehrlingsfrisiere ond allne Kongress! Das werd secher au en super Sach ond get sehr vell ztue. Denne hani au no mini Tanzschue bstellt met enere Kollegin ond jetzt chömmer chum druf warte bes die Prachtstöck do send! Hihi due de es föteli ine wenns do send!=)Jo Denne am Donnstig Obe esch de Stefan agreisst ond de plötzli ede Chochi gstande! Han mi riisig gfreut!S'Gepäck esch vo em isch aber no en Jersey hange blobe!=)Super oder!=)Denne hämmer zersch chli pläuderlet ond de hanem gad no en Hoorschnett verpasst...spöter isch de s'Gepäck tiptop igleferet met allne feine Sache womer de Stefan ond alli metbrocht händ! Danke nomol!Jo mer händ aso es mega schöns Wocheend verbrocht metenand...leider esch s'Wätter ned de hammer gsi aber mer häns mega schön gha zäme. Send sehr fein go ässe, händ vell tronke ond cooli Usgangöbe gha!Mhhh...ond en 3,5 Woche chömmer sganze nomol gnüsse zäme!Freue mi riisig natürli au ofe Däddy ond Beni!=)=)Nachdem dasi denne Höt de Stafan ofe Airport do han beni mer en hammergeili Afro Perücke go poste för ad Geboriparty am Samstig!!Hihihi gseht mega cool us! get de alles Föteli. De beni no schön omeghange ond jetzt goni go pfuuse ond Morn weder go schaffe! Also tschüüüüs

14.03.2008

hallihallo...I'm sorry hans aso voll verhängt min Blog nochezfüehre! Jo soo es geils letschts weekend gsi! Ben met de Carola in Bar Cuba ond Budabar gsi! eigentli hättemer en planete Salsaobe gha, doch das het ergendwie nedeso welle klappe. Het do chli Messverständins gä. esch jo au glich. Ofjedefall hämmer en hammer geile Obe gha. Vell gsprütze Wii esch gflosse ond mer händ abtanzet wie no nie....soooo super gsi... dor da hämmer natürli au vell Lüüt kenneglernt ond eifach en riise Party gha. Mage mi de aber nöme ganz erennere weni heicho ben...sesch ämu vell zspot gsi, do i am Samstig bem schaffe andersch müed gsi ben ond min Chopf chli weh do het!=)=)Zom glöck beni usbuechet gsi..de het mer emmer laufend zdue.De Tag isch de au verbii ond scho esches weder los gange en Usgang!Sesch zwar nöm ganz so guet gsi wie am Friitig aber händs au lostig gha. Am Sonntig semmer de met em Josef ond Martin em mim zuekönftige Beachcafi fein go lunche...Wonderschöns Wätter esch gsi ond mer händ mega fein gässe.Am Obe send de Luki ond ich met de Inga is Kino go "Gameplan" luege...hihihi esch en mega coole Felm! De esch de Tag au weder verbii gsi! Am Mentig uiui hets gad es bezeli fest gstörmt do zGuernsey. Han aso gad chli angst gha dases Huus fortbloset. Esch aber nüt passiert. Mer send de am Nomitag id Stadt go eusi Stührerklährig mache ond nachdem em Dix-neuf eis go trenke. Hmm..jo ond de het schoweder die neu Woche agfange wo schön sträng gsi esch ond jetzt esch scho weder Friitig ond ich ben ready zom en Usgang go!!!es schöns Weekend allne.....tschüüüüssss

04.03.2008

Hallihallo....jo letscht Woche isch super sträng gsi ond mega schnell verbii gange. Am Donstig beni de serst mol go Salsa tanze be de scho zemmlech guete Tänzer. Hui ben grad chli es chalte Wasser grüert worde, do i natürli vell scho weder vergässe han. Esch aber super cool gsi. S'guete dra esch, das mer emmer d'Partner wechslet ond dorom vell flexibler wert, wemmer au mol neume em Usgang tanzet. Aschlüssend semmer de no eis go trenke ond händs mega lostig gha. Jo denn am Weekend beni met de Filipa en Usgang...läck mer händ fun gha wie no nie ond händ de bii alli lüüt agsteckt. Zersch semmer chli eis go ne en verschednige Bar's ond de hämmer is emene eigentli ned wörklech coole Club nederglo. Sesch aber eifach so geil gsi! Mer händ tanzet wie weldi ond so vell Lüüt kennt ond kenneglernt dasmer am schloss met allne Lüüt ergendwie zäme tanzet händ. Hammer gsi. jo de nechts Tag esch deför ned ganz so guet gsi do sesch s'Chopf weh no rächt früeh gmäldet het. Ben de met de Carola es mis zuekönftige Beach-cafi go en bsuech abstatte. Mmmmhhh...so schön emfal ond au mega feine food ond Düütschi spezialitäte esch aso mega. Verosse hets öppe 15 Tisch ond mer het en super Usecht ofe Strand onds Meer. Leider esch nor sWätter ned gad s'beste gsi dorom warti no met Föteli mache..Jo ond jetzt schaffi denn dete abonzue amene Sonntignomitag wenn schöns Wätter esch. Freue mi riisig!=)=) after semmer de no ene Bar eis go ne wo no ganz vell vom Salakurs gsi send..esch au dete mega lostig gsi. Ben de aber froh gsi nachdem Heizgo ond go pfuuse!=) Jo am Mentig beni go schwemme met de Rachael vom Gschäft...au super gsi ond de hani no gschnä en IIchauf gmacht well vell nöme gha het ond so niemer müesstis jo go poste nedwor! Jo de beni Hei go d'Hötte botz well da jo au niemer sösch macht...easy!Am Obe hani de Salsakurs gha ond sesch absoluti spitze gsi ond ben andersch is schweze cho. Am Mentig esch ebe ame förd beginners. Dasch tiptop för mi zom Schrett uffrösche.Leher aber dete au no grad de Männdlechpart dasi de Carola ame chli cha hälfe met onderrechte. Wörkli super! jo ond de hämmer nachdem no alli eis tronke ond de semmer Hei.Hui jo ond de hani no serscht mol do mini Blusene glettet. Läck du mer Sglettibrätt het en uralte Bezog droffe met jenste Brandröckständ ond vom Glettiise rede mer jo scho gar ned. Dasch aso eifach es stöck iise wo warm werd ond wemmer denn ofe Stoff got werds jo scho tiptop glatt aber s'verchröglete wert eifach nomeno so iebrönnt...=)=)Heno haupsach sgseht chli glatt us!=)Ajo ond de hani serst mol e mim Läbe en Ananas kauft ond no vell de bi glernt. Wie z.b. Dasmer muess ade Blätter riise ond wenns usechöme eschsi riif..cheibe guet he! Aber esche e souchrampf die zom nice in Stückli schniide...esch aber schlossäntli mega lecker gsi! Denne hani Höt weder agfange schaffe ond super stränd gha!Woni de fertig gsi ben send de Josef ond ich go nes Cafi ne ond händ mol weder chli chöne rede zäme!Tiptop de beni verosse gstande ond de lauft eine verbii ond esst es Kitkat. De hani de eifach so aglachet weni halt ä ben ond nett grüesst. De frogt de me werom dasi de so härzig lache ond de hani gseit jo han gad of dis Kitkat gluegt welli die ä so gärn ha...=)=)ond de schänkt doch de mer eifach eis ond seit: "gä du besch aber ned vo Guernsey, sosch hätsch nämmli so züg ned gärn!=)=)mega sweet gsi!Jojo han jetzt no en busy week vormer woni de secher au weder mol chli Föteli mache ond die denne weder in Blog duene!!also hebed alli en schöni Woche ond bes bals weder...kiiiiiissssss