27.04.2008

sooo aso s'Meli esch mega trurig das alli weder hei gange send!=( Hihihi sesch aso so schön gsi. Am Sonntig Obe esch de Stefan acho ond ich ben soo ufgregt gsi en weder zgseh! Mer händ de en wonderschöne Obe gha ond send am mentig bezite ufgstande. Leider hets de ganz Tag nor so abegseicht ond mini stemmig esch voll am Bode gsi...hets sech sehr guet lo zeige lo...hihihi sorry!=)Send denne trotzdem of Herm greist ond seschmer aso chli übel worde of dem schwankendem Boot!=)Mer send acho ond händ euses wonderschöne Zemmer bezoge ond grad mol en Tee dronke=) s'het ebe ede Hotelzemmer England öberal Teechocher!Jo denne nachemene chorze schlöfli hämmeris en Schale gworfe ond send en Apero go ne ede Hotelbar...uiuiui esch das en ruhigi athmosphäre gsi! Jo send de gmüetlech voremene Füür ghöcklet ond händ dinner-charte becho zom uswähle was mer gärn wörde ässe!Spöter esches en Spiissaal gange ond alli awesende send em alter vo 60+ gsi....cheibe spanned!=) easy mer häns super fein gässe ond en super Obe gha!Nachere schöne Nacht esch den de Tag om so schöner worde...hammer gsi...plötzli het dsonne mega afo schiine ond mer send 2,5 Stond om die Insle spaziert. Wow dasch so schön gsi!Traumhafti Stränd on Klippe....onvorstellbar!händ aso au es paar Föteli!Jo de esches weder retour gange met em Boot ond mer send nomol chli go spaziere in Guernsey ond händ no es feins Salötli zo z'Nacht gässe!Am Mettwoch semmer is Aquarium go Feschli luege...hihihi esch aso ned grad de börner gsi, aber mer händ au das gse...s'Wätter esch emmerno de hammer gsi ond mer händ en riise shoppingtour gmacht!Beidi händ schöni Chleider gfonde ond no es paar cooli Dvd's. De eint hämmer am Obe gluegt ond esch mega cool gsi!Am Do. semmer met em Bus om d'Insle gfahre zom mol alles chli gseh...hei esch eifach en geili Insle, das esch onglaublech ond mer händs halt eifach au schön gha metenand!neume semer ines Cafi ghocket ond de esch carola au no cho händs andersch lostig gha ond send de met ere no en chline Kliff walk go mache.Spöter hämmer em Stefan de mis Cafi zeigt am beach!Mega schön!=) Jo denn esch gli Obe gsi ond d'Limusine eschis cho hole womer organisiert händ zom Däddy ond Beni abhole!Dasch natürli en Öberraschig gsie för si. Händ den em Chauffeur en karton ge wo Leibundguet+Peatsch drofgstande esch. Er het si de müesse go abhole im Airport! Do mer ene es sms gschrebe händ, mer heige ke ziit zom si hole ond schecke en Kolleg wo si zo eus hei brengt!Hihihi het alles super klappet ond wosi de of d'Limusine gstüret send Koffere versorged händ het de Chauffeur d'Autotöre ufto ond mer send usegspronge ond händ en super schnappschoss vo de Gsechter of Däddy ond Beni gmacht!soo geil gsi!Denn eschs Reisli met emene Glas Schämpis los gange!Suer gsi! Dihei acho, gschwend is Hotel go s'Gepäck versorge ond mer hän es feins Plättli vorbereitet ond de semmer bes am 12i i eusere Chochi ghöcklet ond händs huere lostig gha!Jo ond de hämmer zwe busy Täg gha...mer hän di geilste kliffwalks gmacht, vell Lüüt kenneglert, au vell ächli verokt gmacht!=) ond eifach en hammer geili Ziit gha metenand. natürli semmer em Gschäft verbii go hoi säge ond eifach mega vell gse ond gmacht!Onvorstellbar schön aso...ond s'wätter het au voll metgmacht!Denn hani en mega schöne Gebori döffe erläbe ond ersch no mega vell Gschänkli becho för da dasi em osland ben...Danke vellmol esch sooo schön gsi!Mini geboroparty esch e dem Brasil-Restaurante gsi ond esch es mega erlebnis gsi för alli...mmmhhhh hammer!=)Jo de semmer au no met em josef ond de martine go ässe ond dasch au so super gsi! Händ so vell chönne lache, blöd due ond rede metenand, dasi wörklech han müesse merke wie fest ich alli mini familie vermesse. esch eifach eini vo mine schönste Woche gsi i mim läbe. Chas fasch ned beschriibe!=)Jo Höt esches de weder chli andersch gsi! Send früeh uf ond de Josef het is nomol vell zeigt of de Insle ond scho esches an Airport gange wo denn Träne nor so gloffe send!Esch halt emmer schön wemmer wieder gspüürt wie fest dasmer enand gärn het!Jo ben aso scho mega truurig gsi!mini Kollege do händ mi aber ofene Grillobe iiglade ond mi mega zom lache brocht dasi chli abglenkt gsi ben...esch mega härzig gsi!! Aber i freue mi secher mega weder mol Hei zgo....hihihi ergendeinisch....hihihih...danke nomol för alles.....miss you....tschüüüüüüüssss

Em Usgang..........=)=)

18.04.2008

Hallihallo.......we emmer lauft die Ziit wie am Schnüerli ond ich erlebe soo vell cooli Sache! S`letschte weekend esch weder mol de hammer gsi! Ben met mine zwe Wiiber in Usgang. Zersch semmer zor Rachael hei chli go vortrenke. läck du mer händ die es verdammts boff i dere Hötte enne. esch aso onglaublech wamer do aues fent wemmer chli omeluegt! Aso so chönti ned läbe ond leider hani vergässe es Föteli zmache!=) De hettis ere Steppdade id Stadt abergfräset ond mer send uf Bartuur! Händs eigentli no rächt lostig gha. Am schloss semmer wedermol is Rougs go abshake!han de dete mega vell lüüt droffe woni kennt han ond ben de nachdem met dene no ines friendshouse. händ en mega lostige Dvd gluegt bes de weder alli ergend neume am pfuuse gsi send. So am halbi elfi am Morge hani mech de ofe heiwäg gmacht. ben de nomol rasch go schlofe ond de met de Carola ane Tanznomitag wos dorchschnettalter 70gi gsi esch!Händ aber mega fun gha met dene alte ond abtanzet wie di gstörte. Super gsi! Esch öber tschatschatscha, Salsa, wienerwalzer....gange...i säge nor hammer....!!de am Obe hämmer weder salsa güebt för en liberationsday. Hui send aso alli ächli hangoverd gsi...aber au da esch mega guet gsi. Jo ond em Luki sis Mami, chli Schwöster ond Grosseltere send of bsuech gsi för ganzi 9 Täg! Esch mega schön gsi ond han super Gspröchli met de Denise gha womer andersch gholfe händ!mega schön! jo am Mentigmorge isch mi de de Josef cho hole zom in Spital zgo!Esch eigentli no schnäll gange! Han mer so es geils blaus Hömmli müesse azieh ond ofe de Schrage legge wosi de met em Ultraschallgrätli öber min Körper gfräset esch!Sie esch glaub chli en morge moffel gsi ond het ned vell vo sech lo ghöre!Das heisst för mech ich muess en Woche of Brecht warte!Bäää!De het mi de Josef ofenes feins Zmorge iiglade amene mega schöne Ort. Mer händ de au weder ziit gha zom chli rede ond das het soo guet do!am Nomitag beni de met de Carola in Tahi- Garte go Käfele ond schnöre be wonderschönstem Wätter. Zobe esch weder Tanze agseit gsi ond di ganz Luki Familie esch au cho metmache....mega lostig gsi!Han de de Alina (chli schwöster) Salsaschrett biibrocht....uiui het die freud gha ond de chasis ersch no super...jojo esch super gsi! Am Ziistig obe beni de metemene Kolleg go Querflöte üebe....läck die händ grad chli en Hötte du...met Swimmingpool enne ond hesch öppe 5 Rüm zor Uswahl wot gärn möchtisch dis ässe iinä!=)Händ de ganzi zwe stond güebt ond sesch wonderschön gsi!Jo denne bem schaffe esches di ganz Woche sträng gsi aber tiptop. Am Donnstig send de em Luki sini Lüüt weder abgreist ond jetzt esches grad weder leer i eusem Huus!Aber jetzt chonnt jo gli de Stefan weder ond i freue mi riisig druf Ond au mega fest ofe Däddy ond Beni!=)Hui da werd de en mega schöni Woche ond ich han Ferie...juhui!Jo ond Morn hanis de nomol sträng muen am 8ti afo. Zobe beni no amene Gebori iiglade ond am Sonntig dueni de nochli potze ond mi ferue of min Bsuech!!

07.04.2008

Hello alli zäme. Also be mer esch alles emmerno wonderbar. Han mega vell zdue bem schaffe ond s'Wätter werd au emmer besser! Jo sesch do wonderschön wennt d'Sonne de ganz tag scshiint...de chasch am Mettag em Städtli ome laufe oder neume eis go tenke ond fülsch die wie ide Ferie....hammer. Mer merkt au wie d'Lüüt chli verwache ond vell me öppis ondernänd am Obe. Jo de am Mettwoch hani chli en blöde Obe gha. Ben aso schlossäntlil gschwend im Spital glandet!=) esch aber denn alles guet gsi! Jetz mueni eifach de nomol go ond en Ultraschall mache. Es chönnt ebe si dasi Gallestei han oder so!!Jojo han jetzt en gruusige Saft woni muess drenke. Wämmer luege was denn do no usechont! Send ämu alles ganz liebi ond lostigi Ärtzt ome! Denn hani es hammergeils weekend gha! D'Kollegin het ere 21. Gebori gfiiret ond mer händ alli en Huet oder en Perücke müesse alegge. Zersch hämmer aber no es par friends be eus dihei gha ond es bezeli afo drenke. De semmer alli id Stadt zo ere ad Party. Esch mega cool gsi ond händ schön ometanzet ond gmacht! Denne esches ere Kollegin plötzli nöme so geut gange ond si het müesse go de Mage leere. Herrlech!Ben en ganzi Stond met ere ofem Wc gsi bes mer si denn äntli weder usebrocht händ! Händ de es Taxi organisiert ond e Kolleg esch met ere Hei! mer send de natürli no wiiter ene privat -Bar wo bes am Morge am 6i offe het! Hui esch chli en abgfuckti atmosphäre gsi aber sou lostig! händ dete de weder chli blöd do ond danzet ond gsonge.Spöter esches de no zomeme Kolleg heigange, er esch de aber so nach 10min. scho iigschlofe ond mer händ es soufest gha be em ide Wohnig. Nachdem semmer de zom Jemie hei go monopoli spele met feinem Wii derzue bes denn alli e em sim Huus verteilt neume am schlofe gsi send!=) De Jemie ond ich händ de nochli omeblödelet ond er het mer s'Huus vo obe bes onde zeigt. de hämmer is of em sis Bett quätscht wo scho es paar droffe am schlofe gsi send!=) esch aso mega ombequem gsi ond han au ned wörkli chönne pfuuse. Aber sesch eifach lostig gsi! Am Morge hämmer alli zäme zmörgelet ond blöd gret ond de beni öppe am halbi zwöi weder dihei gsi!!Sooo coool gsi! Han de nöme so vell gmacht! Jo ond Höt am morge beni bem Dokter gsi ond nachdem met em Josef go mis Velo poste...hähähä esch mega schön!=) Zobe hani weder Salsa tanze ond höt fömer afo üebe för de Liberationsday...aso werd secher au guet! Jo ond de fot d'Woche scho weder a ond am nechste Samstig esch mini 70ger Party agseit!Hui freue mi riisig!Get de vell Föteli hoffi! tschüüüüüüüüüüüüüüüüüüsssssssssssssssssssssss!